„ქმარს არ უყვარს ეგ მშვენიერი ქალი და ასეთებს ყოველთვის ყველაფერს ვპატიობო“ - დინა მირცხულავა

„პატარა ვიყავი ჩვენს სოფელში რომ რუსი მკერავი გამოჩნდა.“ - ასე იწყება, მწერლის, ამჟამად საფრანგეთში მცხოვრები დინა მირცხულავას ნოველა, რომელიც მკითხველს დააინტერესებს. 

„ულამაზესი ქალი ღია ფერის თვალებით.
რუსული ენის დავალებები რომ გამიჭირდებოდა, მის სამკერვალოში მივრბოდი.
გაკვეთილებიდან მობრუნებულმა რუსული ბოლოსთვის მოვიტოვე და სამკერვალოსკენ გავემართე.
ათი წუთის მისული ვიქნებოდი, ქალი მოუვარდა მკერავს, თვლებიდან ცეცხლი სცვიოდა, მეგონა, ცოტაც დაახრჩობდა.
ნაკერის აცდენას თუ არასწორ მკლავზე იყო უკმაყოფილო.
კრინტი არ გაუღია მკერავს.
ბოდიში მოუხადა, გამოვასწორებო - უთხრა და გაუშვა.
პირდაღებული დავრჩი.
- ეს ყვირილი და ლანძღვა რა წესია - მეთქი. სვათაშორისად ვთქვი.
- ეპატიებაო, - მითხრა და საკერავ მანქანას მიუჯდა.
- ქმარს არ უყვარს ეგ მშვენიერი ქალი და ასეთებს ყოველთვის ყველაფერს ვპატიობო.
მას შემდეგ, აგერ უკვე თვრამეტი წელი გავიდა ლამის და სულ მახსოვს, რომ ცოდონი არიან ქალები, რომლებიც ქმრებს არ უყვართ.
და არასოდეს არაფერი არ უნდა მეტკინოს მათგან.
შეიძლება, ასობით წიგნი გქონდეს წაკითხული, მაგრამ ცხოვრების რომელიღაც მოსახვევსა თუ ორღობეში შემოგხვდეს ადამიანი და იმ ას წიგნში ამოკითხული ერთი წინადადებით გითხრას ან საერთოდ, რომ არ ეწერა იმ ას წიგნში, ისეთი გითხრას.“ - წერს დინა მირცხულავა.

აგრეთვე დაგაინტერესებთ:

🔴 „მე ბედნიერი ქალი ვიყავი ამ კედლებს მიღმა და არავის უნდა გაეგო საწინააღმდეგო“ - დინა მირცხულავა

🔴  დინა მირცხულავა - ერთმა ბრძენმა კაცმა მირჩია, ისე ისწავლე ფრანგული, რომ მაგ ენაზე წერო, ჩვენთვის ნუღარ დაწერო

🔴 „საფრანგეთი არაა ვალდებული დაგვაბინაოს ევრორემონტიან სახლში, გვაჭამოს, გვასვას და გვაცხოვროს“ - ჟურნალისტი საფრანგეთიდან

🔴 ემიგრანტი რომელმაც ხატვა იტალიაში დაიწყო