ომიკრონი პოლიეთილენის ზედაპირებზე 8 დღე, კანზე კი 21 საათი ძლებს - იაპონელი მეცნიერების ახალი კვლევა

„ომიკრონის ვარიანტი ადამიანის კანზე 21 საათს, ხოლო პოლიეთილენის ზედაპირებზე 193.5 საათს ძლებს, რაც წინა შტამებთან შედარებით ნავარაუდევზე დიდი დროა, - იაპონელი მეცნიერების მიერ ჩატარებული ახალი კვლევის შედეგებს  Euronews ავრცელებს.

მათი დასკვნით, ომიკრონს აქვს „გარემოსადმი მაღალი მდგრადობა“ - რაც იმას ნიშნავს, რომ მას ინფექციურ ვირუსად ხანგრძლივად შენარჩუნების უნარი აქვს. მეცნიერების აზრით, ამ უნარის გამო იყო შესაძლებელი რომ ის ჩაანაცვლებდა დელტას შტამს და უფრო სწრაფად გავრცელდებოდა.

„ჩვენი კვლევა აჩვენებს, რომ პოლიეთილენის ზედაპირებსა და კანზე ალფა, ბეტა, დელტა და ომიკრონის ვარიანტები 2-ჯერ მეტხანს ძლებენ ვიდრე ვუჰანში აღმოჩენილი ვარიანტი და კანზე ინფექციურობას 16 საათზე მეტხანს ინარჩუნებენ“ - წერია კვლევაში. 

შედარებისთვის ორიგინალი ვარიანტი პოლიეთილენის ზედაპირზე 56 საათს ძლებდა, კანზე 8.6 საათს. დელტა ვარიანტი კი შესაბამისად  114 და 16.8 საათს.

„ამ კვლევამ ასევე აჩვენა, რომ ომიკრონის ვარიანტს აქვს ყველაზე მაღალი მდგრადობა გარემოსადმი ყველა საგულისხმო ვარიანტს შორის. ეს მაღალი სტაბილურობა კი ასევე შეიძლება იყოს ერთ-ერთი ფაქტორი, რამაც ომიკრონის ვარიანტს მისცა შესაძლებლობა, რომ დელტა ჩაენაცვლებინა და უფრო სწრაფად გავრცელებულიყო“ - წერია კვლევაში.

აქვე უნდა აღინიშნოს, რომ ყველა შტამის ვირუსის ნაწილაკები ეთანოლის სპირტის შეხებისას დაახლოებით 15 წამის შემდეგ წყვეტენ არსებობას.

ასევე საინტერესოა:

🔵 კორუფციის აღქმის ინდექსი 2021: საქართველოს კორუფციის აღქმის ინდექსი ერთი ქულით გაუარესდა

🔵 ყოფილი მეუღლის მიმართ განხორციელებულ ძალადობაში ბრალდებული ჩოგბურთელის ადვოკატები განცხადებას ავრცელებენ

🔵 100 ლარს მიიღებენ 50 წელს ზემოთ მოქალაქეები, რომლებიც ბუსტერ დოზით აიცრებიან