ომში დაღუპული ჯარისკაცების ცოლებს ნუ ეტყვით, რომ იყვნენ ამაყები - ნინო თარხნიშვილი

ჟურნალისტი, ნინო თარხნიშვილი ფეისბუკის საკუთარ გვერდზე ემოციურ პოსტს აქვეყნებს:

„მხოლოდ ჩემი აზრია, მხოლოდ მე მგონია ასე და სხვამ როგორც უნდა ისე იფიქროს, მაგრამ მაინც:

ომში დაღუპული ჯარისკაცების ცოლებს ნუ ეტყვით, რომ იყვნენ ამაყები, რადგან გმირების ცოლები არიან.

იყვნენ ბედნიერები, რადგან მათ რჩეულის ბედი ერგოთ.

ნუ ეტყვით, იმიტომ რომ ტყუილია.

მჯერა, რომ მათ მკვდარი გმირის ცოლობა კი არა, ცოცხალი კაცის ცოლობა უნდოდათ.

რა ვიცი, დილით ერთად საუზმე, საყიდლებზე ერთად სიარული,

საღამოს ერთად წასვლა დასაძინებლად. უაზრო კამათი ან ძალიან ბანალურად, ფილმზე ერთად ჩამოძინება.

პური წამოიყოლე, მესიჯის გაგზავნა და ა.შ.

ნურც მკვდარი ჯარისკაცების შვილებს შესძახებთ ფშუტურო სიტყვებს, რომ გმირი მამის შვილები არიან.

იაფფასიანი სადღეგრძელოა ეგ სიტყვები და მეტი არაფერი.

იმიტომ რომ თქვენ მერე წახვალთ და თქვენ შვილებს ყელში აკოცებთ,

დილით, სამსახურში წასვლამდე სკოლაში წაიყვანთ,

საღამოს ოთახის კარზე მიუკაკუნებთ, აბა, რას შვრები და თქვენ შვილებს ეცოდინებათ, მამა რომ დასჭირდეთ, გვერდით ოთახში გამოგძახებენ და შენც გაეპასუხები, - ჰოუ.

აი მკვდარი გმირების შვილები კი დიდ ოთახში, კომოდზე შემოდებული მამის ფოტოსკენ თუ გააპარებენ თვალს.

ჰოდა, არ გვინდა ეს ნაძალადევი გამხნევებები.

ვერ გაამხნევებთ გმირი ქმრისა და გმირი მამის ძახილით. ტყუილია.

გმირი არა, ცოცხალი ადამიანი სჭირდებოდა მათ”-წერს, ნინო თარხნიშვილი.

ასევე დაგაინტერე­­­­სებთ:

🔵

🔵

🔵