ოპოზიციურ მედიებმა გაავრცელეს ინფორმაცია, რომ ჩინეთში დიპლომატი დააკავეს, რომელმაც საქართველოს მთავრობის დელეგაციას უმასპინძლა, რეალურად კი, ლიუ ძინჩაო არამხოლოდ ქართველ, არამედ ევროპისა და ამერიკის ქვეყნების წამყვან ლიდერებს ხვდებოდა

 ოპოზიციური მედიების მიერ გავრცელდა ინფორმაცია, რომ ჩინეთში მაღალი რანგის დიპლომატი დააკავეს, რომელმაც საქართველოს მთავრობის დელეგაციას უმასპინძლა. რეალურად კი, ლიუ ძინჩაო არამხოლოდ ქართული დელეგაციის, არამედ ევროპისა და ამერიკის ქვეყნების წამყვან ლიდერებს ხშირად ხვდებოდა.

ძინჩაო ვაშინგტონსა და ნიუ-იორკში ვიზიტებისას, არაერთხელ მიიღეს თბილად, როგორც აშშ-ის ყოფილ სახელმწიფო მდივანთან ენტონი ბლინკენთან დაახლოებული პირი. აშშ მას ჩინეთის პოტენციურ საგარეო საქმეთა მინისტრად განიხილავდა.

როგორც The Wall Street Journal წერს, ძინჩაო 2025 წლის ივლისში, საზღვარგარეთ სამუშაო ვიზიტიდან პეკინში დაბრუნებისას, „გამოკითხვის მიზნით“ დააკავეს.

ჩინეთის საგარეო საქმეთა სამინისტროს წარმომადგენელი ცნობილია, როგორც კორუფციის წინააღმდეგ მებრძოლი პირი, რომელიც ბოლო წლების განმავლობაში, ჩინეთის კომუნისტური პარტიის საერთაშორისო დეპარტამენტის ხელმძღვანელის თანამდებობას იკავებდა და სახელმწიფოს უცხოურ პოლიტიკურ პარტიებთან, ასევე, სოციალისტურ ქვეყნებთან ურთიერთობების მოწესრიგებაში ეხმარებოდა.

თანამდებობა ძინჩაომ 2022 წელს დაიკავა, რის შემდეგაც 20-ზე მეტ ქვეყანაში იმყოფებოდა და 160-ზე მეტი ქვეყნის ოფიციალურ პირს შეხვდა.

ლიუს დატვირთული გრაფიკი, განსაკუთრებით კი ვაშინგტონში აშშ-ს ყოფილ სახელმწიფო მდივანთან ენტონი ბლინკენთან შეხვედრები იწვევდა მოლოდინს, რომ ყოფილ ელჩსა და სამინისტროს პრესსპიკერს მომავალ საგარეო საქმეთა მინისტრად აირჩევდნენ.

ჩინეთის სახელმწიფო საბჭოს საინფორმაციო ოფისმა, რომელიც ჩინეთის მთავრობისთვის მედიასთან დაკავშირებულ შეკითხვებს ამუშავებს, უცხოური მედიასაშუალებების კითხვებს, თუ რატომ დააკავეს მაღალი რანგის დიპლომატი, არ უპასუხა.

ლიუ ძინჩაო პეკინის საგარეო საქმეთა სამინისტროს კვლევით უნივერსიტეტში, ინგლისური ენის სპეციალობით სწავლობდა, რის შემდეგაც ოქსფორდის უნივერსიტეტის საერთაშორისო ურთიერთობების ფაკულტეტი დაამთავრა.

სხვადასხვა წლებში ჩინეთის მისიაში მსახურობდა დიდ ბრიტანეთში, ასევე, ინდონეზიასა და ფილიპინებში ჩინეთის ელჩად მუშაობდა.