ოთო აბესაძე: საშუალო სტატისტიკური ქართველისგან, რომელიც ოფიციალური საქსტატის მონაცემებით თვეში გამოიმუშავებს 1328 ლარს, მისგან სახელმწიფოს მიაქვს 540 ლარი

ეკონომისტი, ოთო აბესაძე ფეისბუკ ჯგუფში "სასოწარკვეთილი მომხმარებელი" განამარტავს, რიგითი მოქალაქეების შრომის რამდენი პროცენტი მიდის ბიუჯეტში რეალურად:

"მორიგი ეკონომიკური სასოწარკვეთა

მარტივ და ადამიანურ ენაზე ავხსნათ თუ როგორ არის რიგითი ადამიანი ხელისუფლების ეკონომიკური წყარო.

დავიწყოთ ოფიციალური მონაცემების განხილვით.

საქართველოში საშუალო ხელფასი არის 1 328 ლარი.

აქედან 20% - ს სახელმწიფო გაჭრით საშემოსავლო გადასახადის სახით და ხელზე იღებთ 1 062 ლარს და 40 თეთრს.

ნუ გგონიათ, რომ თქვენი და სახელმწიფოს ურთიერთობა ამით სრულდება.

თქვენ ყოველდღიურად ყიდულობთ პურს, რომელიც ღირს 1.2 ლარი. აქედან დღგ-ს გადასახადს 18%-ს იხდით თქვენ (მყიდველები) შესაბამისად ყოველი 1 პურიდან 21.6 თეთრი მიდის ბიუჯეტში, ხოლო 0.98 თეთრი მიდის მწარმოებელთან.

ასეა აბსოლუტურად ყველა შემთხვევაში.

თქვენ როდესაც მოგინდებათ პური, შაურმა, შოკოლადი, ჰამბურგერი, ახალი ტანსაცმელი და უამრავი რამ, სახელმწიფო ამ სურვილისთვის ჯამში “გაჯით” 18% - ით.

განსხვავებული ვითარებაა საწვავის შემთხვევაში სადაც ზემოთ ხსენებულ დღგ-ს 18% - ს ემატება აქციზის გადასახადი.

დღევანდელი რეალობიდან რომ ამოვიდეთ (საწვავის ფასი საშუალოდ 3 ლარი) ერთი ლიტრი საწვავიდან 90 თეთრი შედის ბიუჯეტში აქციზი+დღგ.

უფრო რომ გავამარტივოთ:

თუ თქვენ:

დაგერიცხათ ხელფასი 1328 ლარი.

საწვავს იხმართ თვეში 150 ლიტრს (450 ლარი)

პური, სურსათი და ა.შ იყენებთ საშუალოდ 400 ლარს

საშუალოდ 100 ლარს იხდით კომუნალურ სერვისებში.

50 ლარს მოიხმართ მობილური ინტერნეტი, სალაპარაკო და ა.შ

60 ლარს ხარჯავთ მედიკამენტებში.

რეალურად სახელმწიფო თქვენგან იღებს:

ხელფასიდან საშემოსავლო გადასახადი 20% ანუ 296 ლარს.

საწვავიდან 135 ლარს.

პური, სურსათი და ა.შ 72 ლარს.

კომუნალურებიდან 18 ლარს.

მობილური/ინტერნეტი 9 ლარს.

მედიკამენტებიდან 10.8 ლარს.

ჯამში საშუალო სტატისტიკური ქართველისგან, რომელიც ოფიციალური საქსტატის მონაცემებით თვეში გამოიმუშავებს 1328 ლარს, მისგან სახელმწიფოს მიაქვს 540 ლარი.

სიგიჟეა ხომ? არა, რეალობაა ‼️

თქვენი შრომის 40.66% მიდის ბიუჯეტში

მიხვდით ხომ? აბა ახლა იმაზე დაფიქრდით თქვენი შრომის 40.66% ს როგორ ხარჯავენ", - წერს აბესაძე.

სხვა სიახლეები:

🔳 Tesla Phone-ის გაყიდვები 2022 წლის ბოლოს დაიწყება - ილონ მასკმა კიდევ ერთხელ გააოცა მსოფლიო

🔳 ლარი გამყარდა - ვალუტის კურსი

🔳 "რომ წერთ პოლიციელი გმირია, ბევრი კარგი პოლიციელი გვყავსო მეც მანახვეთ, სად პოულობთ ამ ღირსეულ პოლიციელებს... იზორიას ძმის ამბავი გაიხსენეთ, მაშინ პოლიციელმა შეასრულა მოვალეობა და გამოაგდეს" - ვახო სანაია