"რომ წერთ პოლიციელი გმირია, ბევრი კარგი პოლიციელი გვყავსო მეც მანახვეთ, სად პოულობთ ამ ღირსეულ პოლიციელებს... იზორიას ძმის ამბავი გაიხსენეთ, მაშინ პოლიციელმა შეასრულა მოვალეობა და გამოაგდეს" - ვახო სანაია

ჟურნალისტი ვახო სანაია, სოციალურ ქსელში გავრცელებულ შემზარავ ვიდეომასალას ეხმაურება, რომელშიც ჩანს, როგორ სცემს პოლიციელი შშმ პირს.

"მეც მანახვეთ, სად პოულობთ ამ ღირსეულ პოლიციელებს.

რომ წერთ, პოლიციელი გმირია, ბევრი კარგი პოლიციელი გვყავს და ასე შემდეგ.

არ ვიცი, სად არიან, სად, რა ადგილებში ხვდებით თქვენ მათ, ვერ იქნება მაგ სისტემაში პოლიციელი ღირსეულად, რადგან სისტემაა ეგეთი. ღირსეულის ადგილი არ რჩება.

გამონაკლისები არსებობენ ალბათ, მაგრამ იზორიას ძმის ამბავი გაიხსენეთ. მაშინ პოლიციელმა შეასრულა მოვალეობა და გამოაგდეს.

ანადგურებენ პროფესიულად და ადამიანურად.

• - ახალგაზრდებს ურტყამენ.

• - ბავშვები თვითმკვლელობამდე მიჰყავთ.

• - მიტინგებზე ხალხს ასისხლიანებენ.

• - აქციის მონაწილეებს შეშას ართმევენ.

• - 5 ივლისს ხელი არ გაუტოკებიათ.

• - უსამართლოდ 2000-ლარიან ჯარიმებს წერდნენ კარანტინის დროს.

• - არჩევნებზე საარჩევნო უბნებზე კოორდინატორებად აქციეს

• - ქუჩის კრიმინალები თავზე ასხედან

• - დაარბენინებენ ქართული ოცნების ოფისებთან.

• - ივანიშვილის დაცვად არიან ქცეული.

ყველა პოლიტიკურ ბრძანებას უსიტყვოდ ასრულებენ.

სანამ ხელისუფლება არ შეიცვლება და ყველაფერს ნულიდან არ ავაშენებთ, სულ ასე იქნება.

პოლიციელები სულ ასეთები იყვნენ, რაც თავი მახსოვს", - წერს ვახო სანაია.

მედიაში გავრცელდა ვიდეო, რომელიც თბილისის მეტროშია გადაღებული. ვიდეოში ჩანს, როგორ ურტყამს პოლიციელი ახალგაზრდა კაცს, რომელიც გავრცელებული ინფორმაციით, შეზღუდული შესაძლებლობების მქონე პირია.

მოგვიანებით მომხდარს შინაგან საქმეთა სამინისტრო გამოეხმაურა. უწყების განცხადებაში წერია, რომ გენერალურმა ინსპექციამ ფაქტის მოკვლევა უკვე დაიწყო.

ამავე თემაზე:

🔳 "არ ვართ ჩვენ თავმოყვარე საზოგადოება, როცა ჯერ კიდევ ბედავს ვიღაც ასეთს და ალბათ, რამდენ დაუფიქსირებელ "ასეთს" - ლაშა ზარგინავა შშმ პირის ცემის ფაქტზე

🔳 გიორგი მშვენიერაძე: ადამიანის უფლებების დარღვევისთვის დასჯილი პოლიციელები ძალიან ცოტანი არიან, ხოლო უკანონო ბრძანების შეუსრულებლობის გამო - ბევრს

🔳 შსს: ინსპექტორის სამსახურმა პოლიციელის მხრიდან ძალადობით უფლებამოსილების გადამეტების ფაქტზე გამოძიება სსკ-ის 333-ე მუხლით დაიწყო (ვიდეო)

🔳 "თქვენ არც ყური გაქვთ, არც გონი და არც გული.. და საერთოდ არც ადამიანი ხართ!" - გიორგი თარგამაძე პოლიციელის მიერ შშმ პირის ცემის ფაქტზე

🔳 „სისტემა, შსს, კანონი და დავალება სჭირდება იმას ასეთი არაკაცი რომ არ იყო რასაც ახლა ეკრანზე ვუყურებთ?“ - თინა ხიდაშელი პოლიციელის მხრიდან მოქალაქის ცემის ფაქტზე

🔳 "პოლიციელი უნდა წარმოადგენდეს მუნდირის ღირსებას, ამ დროს ჩვენ ვხედავთ საპირისპიროს" - ხატია დეკანოიძე მოქალაქის ცემის ფაქტზე

🔳 "განსაკუთრებით შემზარავი იყო პოლიციელის გვერდით მდგომი კოლეგის გულგრილობა, ვფიქრობ ეს ამ პოლიციელისთვის პირველი შემთხვევა არ იყო" - ნიკა სიმონიშვილი