პრემიერი: ტარიფებს გაზზე და დენზე განაპირობებს მათ შორის გლობალური ფასებიც, საერთაშორისო ტარიფები არის გაზრდილი, ამ ფონზე, ჩვენ შიდა მექანიზმებით შევეცდებით, მაქსიმალურად შევუნარჩუნოთ ის ტარიფები, რომლებიც არის

ჩვენ გვაქვს იმედი, რომ მოვახერხებთ ტარიფების შენარჩუნებას, დანარჩენს უკვე გადაწყვეტს კონსულტაციები, - განუცხადა საქართველოს პრემიერ-მინისტრმა ირაკლი კობახიძემ ჟურნალისტებს.

როგორც მთავრობის მეთაურმა აღნიშნა, ორშაბათს შედგება სემეკის სხდომა და მიიღებს გადაწყვეტილებას როგორც გაზის, ასევე დენის ტარიფთან დაკავშირებით.

„ზოგადად ფასებს, ტარიფებს გაზზე და დენზე განაპირობებს, მათ შორის გლობალური ფასებიც. ჩვენ უნდა ჩავხედოთ ყველაფერს, ამისდა მიხედვით, ორშაბათს უკვე სემეკი მიიღებს გადაწყვეტილებას როგორც გაზთან, ასევე დენთან დაკავშირებით. ჩვენ გვაქვს იმედი, რომ მოვახერხებთ ტარიფების შენარჩუნებას, დანარჩენს უკვე გადაწყვეტს კონსულტაციები.

ბუნებრივი გაზზე იყო რისკი ტარიფის გაზრდის, მაგრამ კონკრეტული არასწორი პრაქტიკის აღმოფხვრის შედეგად, ჩვენ ძალიან მაღალი ალბათობით, მოვახერხებთ ტარიფის შენარჩუნებას. გამომდინარე იქიდან, რომ საერთაშორისო ფასები გაზზე გაიზარდა, ჩვენთანაც ტარიფის ზრდის რისკი იყო, მაგრამ იმის ხარჯზე, რომ ჩვენ აღმოვფხვერით ამ სფეროში არასწორი პრაქტიკები, გაზის მიმართულებით შევძლებთ ტარიფის შენარჩუნებას. დენთან დაკავშირებითაც მაქსიმალურად ვეცდებით, საერთაშორისო ტარიფები არის გაზრდილი, ამ ფონზე ჩვენ შიდა მექანიზმებით შევეცდებით, რომ მაქსიმალურად შევუნარჩუნოთ ის ტარიფები, რომლებიც არის როგორც გაზთან, ასევე დენთან მიმართებით“, - განაცხადა ირაკლი კობახიძემ.