"რა არ მოგწონთ? არ თვლით, რომ ბიძინა ივანიშვილი უახლესი ისტორიის ნაწილია?" - ჟურნალისტი მაიკო აბაშიძე მე-9 კლასის სახელმძღვანელოს შესახებ

ჟურნალისტი მაიკო აბაშიძე, მე-9 კლასის სახელმძღვანელო "საქართველოსა და მსოფლიო ისტორიის" შესახებ პოსტს ავრცელებს, რომელიც ბოლო დღეებში საზოგადოების თუ პოლიტიკური წრეების მხრიდან აჟიოტაჟს მიზეზი გახდა.

"ეს არის გამომცემლობა „ლოგოს პრესში“ დაბეჭდილი მე-9 კლასის მოსწავლის წიგნი - „საქართველოსა და მსოფლიოს ისტორია“.

ბიძინა ივანიშვილის მოკლე ბიოგრაფიასთან ერთად, მასში შესულია მიხეილ სააკაშვილის ბიოგრაფიაც და „ვარდების რევოლუციაც“, ვრცლად.

რა პრობლემას ხედავთ, ვინც ხედავთ, არ ყოფილა ბიძინა ივანიშვილი საქართველოს უახლეს ისტორიაში, ან ქველმოქმედი არ ყოფილა, კულტურული მემკვიდრეობის ძეგლები არ აღუდგენია, სახელმწიფო რეფორმები არ დაუფინანსებია, თუნდაც წინა ხელისუფლების დროს, თუ რაშია პრობლემა? რა არ მოგწონთ? არ თვლით, რომ უახლესი ისტორიის ნაწილია?!", - წერს ჟურნალისტი.

ცნობისთვის, სასკოლო სახელმძღვანელოში, "საქართველოს და მსოფლიოს ისტორიის" მე-9 კლასის მეორე ნაწილში, ბიძინა ივანიშვილის მოღვაწეობაზეა საუბარი. სახელმძღვანელოში ასევე საუბარია ვარდების რევოლუციისა და საქართველოს მესამე პრეზიდენტის, მიხეილ სააკაშვილის შესახებ. წიგნში გვხვდება, ყოფილი პრემიერმინისტრის ზურაბ ჟვანიას ბიოგრაფიაც. წიგნში შეტანილია ცნობები ყოფილი პრეზიდენტების, ედუარდ შევარდნაძისა და ზვიად გამსახურდიას შესახებ.

ამავე თემაზე:

🔲 "სახელმძღვანელოს არ აქვს პროპაგანდისტული ფორმა, მაგრამ ეშმაკი, რომ დეტალებში იმალება?" - ისტორიკოსი მე-9 კლასის სახელმძღვანელოს შესახებ

🔲 „ბიძინა ივანიშვილზე წიგნში არა ქველმოქმედი, არამედ „გველმოქმედი“ უნდა ეწეროს!“ - შალვა ნათელაშვილი

🔲 „არ გავჩერდებით, სანამ ეს სიმახინჯე არ გამოსწორდება!  სკოლის სახელმძღვანელოში ბელადის დიდება მოინდომეს“ - ელენე ხოშტარია