რა უნდოდათ და რა მიიღეს! - რომან გოცირიძე პენსიონერებისათვის გაცემულ სესხებზე

მე-10 მოწვევის პარლამენტის დეპუტატი, ნაცმოძრაობის წევრი რომან გოცირიძე, ფეისბუკის საკუთარ გვერდზე წერს:

"რა უნდოდათ და რა მიიღეს!
კიდევ ერთხელ გავიხსენოთ, როგორ წამოაგო ანკესზე მთავრობამ, “ოცნების” დეპუტატებმა(პირველებმა დაიეყეს) და “ლიბერთი ბანკმა” ოპოზიციის ერთი ნაწილი და მიაღებინა ბანკისთვის ხელსაყრელი გადაწყვეტილება.
ბანკს გასდიოდა პენსიების დარიგების მომსახურების ვადა და უნდოდა მთავრობისაგან გაუმჯებესებული შვიდწლიანი კონტრაქტის მიღება. დღემდე პენსიის დარიგებაში არაფერს იხდიდა მთავრობა. ბანკის შემოსავლის ძირითადი წყარო იყო პენსიებისა და სოციალური დახმარებებისათვის ბიუჯეტიდან ჩარიცხული მრავალმილიარდიანი საკრედიტო რესურსი, რომელიც ყოველწლიურად გაიზრდება მომავალში რამდენიმე მილიონი ლარით. მთავრობამ გამოაცხადა ფაქტობრივად ერთ ბანკზე მორგებული ტენდერი. მასში, როგორც მოსალოდნელი იყო, მხოლოდ “ლიბერთი ბანკმა” მიიღო მონაწილეობა და “გაიმარჯვა”.
ვნახოთ რა იყო აქამდე და რა მივიღეთ ახალი ხელშეკრულებით:
ძველი კონტრაქტით:
-პენსიების დარიგებისთვის მთავრობა იხდიდა ნულ ლარს.
-პენსიონერებისათვის გაცემულ სესხებზე საშუალო შეწონილი წლიური პროცენტი იყო-30,6 პროცენტი( და არა 36, როგორც ამბობენ ხოლმე. 36 მაქსიმალური პროცენტი იყო).
რა მიიღო ახალი გარიგებით ბანკმა?:
-პენსიების დარიგებისათვის მთავრობა გადაუხდის საკომისიოს წელიწადში 15 მილიონი ლარის ოდენობით, ანუ 105 მილიონ ლარს შვიდი წლის განმავლობაში.
-პენსიონერებისათვის გასაცემი სესხის პროცენტი არ უნდა აღემატებოდეს წლიურად 26 პროცენტს. ანუ, თუ აიღებ სესხს 100 ლარის ოდენობით, პროცენტს გადაიხდი 5 ლარით ნაკლებს, ვიდრე აქამდე იხდიდი( პროცენტი ცოტა სხვანაირად ითვლება და რეალურად ამდენიც არ მოუწევს).
ვინ მოიგო და ვინ წააგო კარგად ჩანს. ის რომ ტენდერი მხოლოდ ერთი ბანკისთვის ტარდებოდა და მასში სხვა კომერციული ბანკები რომ არ მიიღებდნენ მონაწილეობას, თავიდანვე ნათელი იყო.
მოდგნენ და გამარჯვებას ზეიმობენ ანკესზეწამოგებულები, მაშინ როცა სინამდვილეში ივანიშვილის ბიზნესპარტნიორს (ცემენტი, მეტალურგია, ტვ “იმედი” და ა. შ. ) მიართვეს 105 მილიონი ლარის ოდენობის მსუყე ლუკმა",-წერს, რომან გოცირიძე.

ასევე წაიკითხეთ:

🔵გუშინაც 10-მდე ტანკი, 20-მდე ჯავშანმანქანა, ფრთოსანი რაკეტა, უპილოტო დრონი და ათეულობით ორკი აააგიზგიზეს ჩვენმა ბიჭებმა! - ბუკა პეტრიაშვილი

🔵მკვლელობა ჯართის გამო - კახეთში კაცმა მეზობელი სანადირო თოფით მოკლა