"როცა ხელისუფლებებში მოვდიოდი, ყოველთვის მოვდიოდი რევოლუციით. აბსოლუტურ გარანტიას გაძლევთ, ეს არის ერთადერთი ხელისუფლება, რომელსაც რევოლუცია არ დასჭირდება" - მურმან დუმბაძე

"რამდენიმე რევოლუცია გამომივლია და პრაქტიკულად როცა ხელისუფლებებში მოვდიოდი, ყოველთვის მოვდიოდი რევოლუციით", - ამის შესახებ  "ნაციონალური მოძრაობის" წევრმა მურმან დუმბაძემ ქუთაისში გამართულ საპროტესტო აქციაზე განაცხადა.

მისი თქმით, ეს არის ერთადერთი ხელისუფლება, რომელსაც რევოლუცია არ დასჭირდება.

"რაო, რა შემოგვითვალა სუსმა? არ ახსენოთ სიტყვა რევოლუციაო? და ჯეფერსონი რომ ახსენებდა, ჩვენ რა ვქნათ? ჯეფერსონებზე უკეთესები ვართ ჩვენ? აბა, ცოტა წამომეხმარეთ ქართული ენის ბრუნვაში: სახელობითი; მერე რომელი მოდის? მოთხრობითი; მიცემითი; ნათესაობითი; მოქმედებითი; ვითარებითი; წოდებითი და ახლა ვაბრუნოთ სიტყვა რევოლუცია! რევოლუციამ! რევოლუციას! რევოლუციის! რევოლუციით! რევოლუციად! და წოდებითში როგორ არის?

ჩემო ძვირფასო რევოლუციავ!

და რა დავაშავეთ ახლა ამით? ამიტომ სუსმა უნდა დაგვსაჯოს? ვაი შენს პატრონს, უბედურს, ჩემო სუს-ო.

რამდენიმე რევოლუცია გამომივლია და პრაქტიკულად როცა ხელისუფლებებში მოვდიოდი, ყოველთვის მოვდიოდი რევოლუციით. აბსოლუტურ გარანტიას გაძლევთ, ეს არის ერთადერთი ხელისუფლება, რომელსაც რევოლუცია არ დასჭირდება", - მიმართა მან აქციაზე შეკრებილებს.

ქუთაისში და რუსთავის მე-12 პენიტენციურ დაწესებულებასთან პარალელურ რეჟიმში, საქართველოს მესამე პრეზიდენტის მიხეილ სააკაშვილის გათავისუფლების მოთხოვნით, საპროტესტო აქცია გაიმართა.

გაერთიანებული ოპოზიცია რეგიონების შემდეგ, 6 ნოემბერს თბილისში, მასშტაბური აქციის გამართვას გეგმავს.

ასევე დაგაინტერესებთ:

🔵 მიხეილ სააკაშვილის ჯანმრთელობის გაუარესების შემთხვევაში იგეგმება სახელმწიფო შეთქმულება - სუსი

🔵 "გუშინ ტრაგედიას ვადევნებდი თვალს, როდესაც ქვეყნის მეხუთე პრეზიდენტი დასცინის, მოშიმშილე-მომაკვდავ ქვეყნის მესამე პრეზიდენტს" - ნიკა მელია

🔵 "ჩემი პოზიცია ყოფილი პრეზიდენტის შეწყალებაზე მყარი და უცვლელია, არა და არასოდეს" - სალომე ზურაბიშვილი