"სააკაშვილს შიმშილობაში ჩავენაცვლებოდი, ერთი წამითაც არ დავფიქრდები" - გიგი უგულავა

"მიხეილ სააკაშვილს შიმშილობაში ჩავენაცვლებოდი, ერთი წამითაც არ დავფიქრდები", – ამის შესახებ გიგი უგულავამ "პალიტრანიუსის" გადაცემაში "360 გრადუსი" განაცხადა.

უგულავა დარწმუნებულია, რომ სააკაშვილი შიმშილობას არ შეწყვეტს.

"შიმშილობაში ჩავენაცვლებოდი, ერთი წამითაც არ დავფიქრდები. მიშას ვიცნობ საკმარისად კარგად, ის შიმშილობას არ შეწყვეტს.

სანამ მას გონება ექნება და სანამ ის თავისი გონებით პასუხისმგებელი იქნება თავის ქმედებაზე, შიმშილობას არ შეწყვეტს.

შიმშილობის დაწყებაც არ არის გამორიცხული, რადგან ეს განგრძობადობა უნდა იყოს.

მიხეილ სააკაშვილმა, რაღაც მომენტში უნდა შეწყვიტოს შიმშილობა, რადგან ესენი მკვლელობაზე წამსვლელები არიან, შეიძლება სხვა პოლიტიკურმა ლიდერებმა გააგრძელონ და ასე იყოს მუდმივი ესტაფეტა", – განაცხადა უგულავამ.

საქართველოს მესამე პრეზიდენტი მიხეილ სააკაშვილი 1 ოქტომბერს, თბილისში დააკავეს. იგი სამი ინსტანციის სასამართლოს განაჩენით ცნობილია დამნაშავედ ვალერი გელაშვილის ცემის და სანდრო გირგვლიანის სისხლის სამართლის საქმეებზე და სასჯელის ზომად განსაზღვრული აქვს თავისუფლების აღკვეთა 6 წლის ვადით. აღნიშნულ საქმეებზე სასამართლოს მიერ გამოტანილი გადაწყვეტილებები საბოლოოა და არ საჩივრდება. სააკაშვილი დაკავების დღიდან, 32-ე დღეა შიმშილობს. სააკაშვილის ადვოკატები და პირადი ექიმები მისი ჯანმრთელობის მდგომარეობის დამძიმებაზე საუბრობენ და ყოფილი პრეზიდენტის სამოქალაქო კლინიკაში გადაყვანას ითხოვენ.

ამავე თემაზე:

🔵 "ფაქტია ვიღაცები ჯერ კიდევ ებღაუჭებით მანდატებს. სიტყვას გაძლევთ, არასოდეს გაპატიებთ ხალხი ახლა მიშას ღალატს" - ნანუკა ჟორჟოლიანი

🔵  "მე ვარ ძალიან გაბრაზებული, ვაზღვევინოთ და ვაგებინოთ პასუხი" - მიხეილ სააკაშვილის მორიგი გზავნილი საზოგადოებას

🔵  პენიტენციური სამსახური: ნიკა გვარამიას მიერ გავრცელებული ბრალდება, სიმართლეს არ შეესაბამება