„საქართველო – რუსეთის სარაგბო დაპირისპირებისას, დიდი პროვოკაცია მზადდება“ - ექსპერტი დავით ქართველიშვილი

„საქართველო – რუსეთის სარაგბო დაპირისპირებისას, დიდი პროვოკაცია მზადდება“, - ამის შესახებ ექსპერტი დავით ქართველიშვილი სოციალურ ქსელში წერს.

,,საქართველოში მზადდება დიდი პროვოკაცია, რომელიც თავიდან უნდა ავიცილოთ. საუბარია კვირას, საქართველო – რუსეთის სარაგბო დაპირისპირებისას, ნაცების მიერ ორგანიზებულ უმართავ ქმედებებზე, რომლებმაც უკიდურესად უნდა დაძაბონ ორი ქვეყნის ისედაც ფეთქებადსაშიში ურთიერთობები. ამ პროვოკაციების დროს მოსალოდნელი ყველაფერია – მათ შორის რუსული დელეგაციის მხრიდან ნებსით თუ უნებლიეთ ამ პროვოკაციებში თანამონაწილეობა, რასაც უმძიმესი შეფასება მიეცემა რუსეთში და მოჰყვება არანაკლებად უმძიმესი პრაქტიკული ნაბიჯები. მეტსაც გეტყვით – ეს შეფასება და მოქმედების გეგმაც, მოსკოვში უკვე წინასწარ იქნება დაწერილიც და მომზადებულიც. არჩევანი ჩვენზეა – დავუშვებთ ამას თუ არა.

კვირას დაგეგმილ თამაშს ყველაფერთან ექნება შეხება – სპორტის გარდა. მე დარწმუნებული ვარ, რომ თავად რუსეთის ნაკრებიც მოწადინებულია, რომ ეს სპორტული პროვოკაცია შედგეს. ის უკვე დაწყებულია – მატჩის აფიშების უკრაინულ ენაზე გამოქვეყნებით, ის გაგრძელდება სტადიონთან თამაშის დაწყებამდე აქციით, კულმინაციას მიაღწევს რუსეთის ჰიმნის შესრულებაზე და უმართავ ქმედებებში გადავა, თუკი აჟიტირებული ნაცები გაარღვევენ დამცავ კორდონებს და მოედანზე აღმოჩნდებიან.

სპორტის გარდა – ყველაფერი იქნება ტრიბუნებზე: “თავისუფლება მიშას”, “პუტინ ხუილი”, “ძირს კრემლის მარიონეტი მთავრობა” და ა.შ. დაარბევ მსგავს აქციას და აგრესიას – ნაცები მაინც მოგებაში რჩებიან (პუტინმა დაგვარბიაო), არ დაარბევ – და რუსეთის აგრესიის პრაქტიკული განხორციელებაც არ დააყოვნებს. კვირადღე – ნაცების “დიდგორია”, ხოლო ქართველი ერისთვის და ხელისუფლებისთვის – კიდევ ერთი ტესტი: ვისწავლეთ დაშვებულ შეცდომებზე თუ კვლავ კრემლისა და ნაცების დაკრულზე ვცეკვავთ“, – წერს ქართველიშვილი.

ასევე დაგაინტერე­­­­სებთ:

🔵 უკრაინის საგარეო საქმეთა სამინისტრო რუსეთში მყოფ უკრაინის მოქალაქეებს რუსეთის ტერიტორიის დატოვებას ურჩევს

🔵 საქართველოს პრეზიდენტი: დღეს ჩვენ ვართ დამოუკიდებელი საქართველო და ამას რუსეთმა ვერაფერი უყო და ვერაფერს უზამს

🔵  ბორელის აღტყინება რომ მდიდარი რუსები მილანში ვერ იშოპინგებენ, ბორელზე მეტს ამბობს, ვიდრე რუსებზე - თამარ ჩერგოლეიშვილი