საზოგადოებრივ მაუწყებელში იყო შავი სიები, ცდილობდნენ კონკრეტული თემები დაებლოკათ - იმედა დარსალია

საზოგადოებრივი მაუწყებლის ყოველკვირეული გადაცემის „ახალი კვირის“ ყოფილი წამყვანი ამბობს, რომ გადაცემას წლების განმავლობაში, განსაკუთრებით ბოლო ორი წლის განმავლობაში, ჰქონდა ცენზურასთან სერიოზული პრობლემა.

იმედა დარსალიას თქმით, მაუწყებლის მენეჯმენტს, გადაცემის სარედაქციო პოლიტიკასთან ჰქონდა  სერიოზული პრობლემა და ცდილობდნენ კონკრეტული თემები დაებლოკათ.

„მე 2 წლის განმავლობაში ვცდილობდი, ტოპ მენეჯმენტიდან დაწყებული, ყველა რგოლთან ეს პრობლემები მოგვეგვარებინა, რადგან ეს არის "საზოგადოებრივი მაუწყებელი" და "ახალი კვირა" იყო კვირის შემაჯამებელი ანალიტიკური გადაცემა, ამიტომ გამორიცხულია, ნებისმიერი ტიპისა და თემის დაბლოკვა. საბოლოო ჯამში ეთერიდან გამიშვეს"- თქვა იმედა დარსალიამ, „ტვ პირველთან“ ინტერვიუში.

გადაცემის წამყვანი ამბობს, რომ „საზოგადოებრივ მაუწყებელში“ ე.წ. შავი სიები არსებობს.

„ამას პირველად ვამბობ, იყო შავი სიები, თუმცა მეტ კონკრეტიკას ამ ეტაპზე არ ვაპირებ, რადგან სასამართლომდე აუცილებლად მივალთ, სადაც ყველაფერს ვიტყვი. შავი სიები ნიშნავს, ვინ უნდა ჩაწეროს ჟურნალისტმა და ვინ არა, ეს მოდიოდა შიდა მენეჯმენტიდან.

მინდა ვთქვა, რომ ეს პრობლემები, არხის დირექტორის ჩარევით, გარკვეული პერიოდის განმავლობაში მოვაგვარეთ. გეტყვით, რომ ანალიტიკურ გადაცემაში "ახალი კვირაში" პოლიტიკა ოფიციალურად იყო აკრძალული, თუმცა არხის დირექტორთან მოლაპარაკებით და მისი ჩარევით, პოლიტიკა დაბრუნდა და ყველა პრობლემური საკითხი ეთერს დაუბრუნდა, ეს იყო მცირე მაგრამ კარგი პერიოდი "ახალი კვირის" გუნდისთვის. მეტ-ნაკლებად მიწევდა, ომი კრიტიკული თემის ეთერში გასასვლელად "- განაცხადა, იმედა დარსალიამ.

საზოგადოებრივი მაუწყებლის ეთერში გადაცემა „ახალი კვირა“ აღარ გადის. მაუწყებლის ხელმძღვანელობამ ერთ-ერთი ყველაზე რეიტინგული გადაცემა ყოველგვარი განმარტების გარეშე, რეორგანიზაციის საბაბით  დახურა.

ასევე დაგაინტერე­­­­სებთ:

🔵ავსტრალიელმა მამაკაცმა თავი იტალიის მონარქების მემკვიდრედ გამოაცხადა და მილანში “კუთვნილი” სამეფო სასახლე მოითხოვა

🔵რაც ერთიანი იყო, ნაწილებად დაიშლება, ეს რუსეთის გვერდით მოხდება - რა ხილვა ჰქონდა რუსეთ-უკრაინის დაპირისპირებაზე ვანგას

🔵ზურაბიშვილის, კობახიძის, ღარიბაშვილის, ივანიშვილის განცხადებები რუსეთ-საქართველოს ომზე მომავალი თაობების გასარჩევი გახდება, როგორც სამარცხვინო - თამარ ჩერგოლეიშვილი