შალვა პაპუაშვილი აბასთუმნის ცის ჩაკეტვაზე: საკმარისი მარშრუტებია საქართველოში თვითმფრინავების გადასაფრენად. რაც მთავარია არ ჩივიან ავიაკომპანიები და არ ჩივიან პილოტები და რატომღაც ჩივის რადიკალურ ოპოზიცია

საკმარისი მარშრუტებია საქართველოში თვითმფრინავების გადასაფრენად. რაც მთავარია არ ჩივიან ავიაკომპანიები და არ ჩივიან პილოტები და რატომღაც ჩივის რადიკალურ ოპოზიცია, - განაცხადა საქართველოს პარლამენტის თავმჯდომარემ, შალვა პაპუაშვილმა აბასთუმნის ცის ჩაკეტვასთან დაკავშირებით ოპოზიციის აჟიოტაჟზე.

როგორც ცნობილია რადიკალები ავრცელებენ დეზინფორმაციას, თითქოს აბასთუმნის ცაზე საჰაერო ფრენა ბიძინა ივანიშვილის მოთხოვნით შეიზღუდა. მაშინ, როდესაც რეალურად, მოთხოვნა მეცნიერებისგან მომდინარეობს, რადგან მიმდინარეობს სამეცნიერო დაკვირვება.

შალვა პაპუაშვილის თქმით, რადიკალური ოპოზიცია ებრძვის ყველაფერს კარგს, რაც საქართველოში კეთდება.

„ყველაფერი, რაც დადებითი ხდება საქართველოში, ამაზე თავდასხმა და არ დაშვება - ეს არის მთავარი მიზანი, რაც ამ დეზინფორმაციას აქვს. რადიკალურ ოპოზიციას და მათ გარე დამკვეთებს არსენალი ამოეწურათ ყველანაირი - პოლიტიკური თემების არსენალი, სხვა მიმართულებით ყველანაირი თავდასხმის საბაბი სცადეს და ყველგან დამარცხდნენ. ახლა მთავარი, რასაც ისინი ცდილობენ არის ის, რომ რამენაირად ეკონომიკურად დააზიანონ ქვეყანა, რომ ხალხში უკმაყოფილება გამოიწვიონ. ესეც ამ პოლიტიკის გაგრძელება არის, რომ არ დაუშვან წარმატებული პროექტების განხორციელება, არ დაუშვან მათ შორის სამეცნიერო პოტენციალის ათვისება. აბასთუმნის ობსერვატორია სამეცნიეროსთან ერთად, ასევე, არის მნიშვნელოვანი პუნქტი, რომელიც საინტერესოა ზოგადად მათთვის ვინც საქართველოს მოინახულებს ხოლმე. ამ ყველაფრის არ დაშვება უნდათ.

არ ვიცი რადიკალურ ოპოზიციას გზა ევიწროება თვითმფრინავების გადასაფრენად თუ რატომ აქვთ ეს პრობლემები წარმოშობილი. სულ ცოტა ხნის წინ, ყველამ ერთად ვიხილეთ საქართველოს ცა, როგორ ინტენსიურად იყო გამოყენებული და დღესაც ასე ხდება, მას შემდეგ რაც ჩაკეტილი არის ახლო აღმოსავლეთის და ჩრდილოეთის მარშრუტები. ასე რომ საკმარისი მარშრუტებია საქართველოში თვითმფრინავების გადმოსაფრენად. იქ, სადაც საჭირო არის სამეცნიერო პოტენციალის ასათვისებლად შესაბამისი შეზღუდვების დაწესება ესეც უმტკივნეულოდ ხდება. რაც მთავარია არ ჩივის საერთაშორისო ორგანიზაცია, არ ჩივიან ავიაკომპანიები და არ ჩივიან პილოტები და რატომღაც ჩივის რადიკალურ ოპოზიცია“, - განაცხადა შალვა პაპუაშვილმა.