თამარ ჩერგოლეიშვილი ედუარდ სააკაშვილს ეთახმება - მიშა ოპოზიციაში ბევრს საკუთარი წონის გასაზრდელად, მიზნების მისაღწევად სჭირდება და მას, როგორც ადამიანს, არ ხედავს!

„მე ვეთანხმები ედუარდ სააკაშვილის დაკვირვებას და მეც მიმაჩნია, რომ მიშა ოპოზიციაში ბევრს საკუთარი წონის გასაზრდელად და საკუთარი მიზნების მისაღწევად სჭირდება და მას, როგორც ადამიანს არ ხედავს“, - წერს„ტაბულას“ დამფუძნებელი თამარ ჩერგოლეიშვილი სოციალურ ქსელში.

მისი თქმით, ბევრს მართლა ეგონა, რომ სააკაშვილის გამოჩენაზე ბიძინა კანკალს დაიწყებდა, გაიქცეოდა და ისინიც დაიბრუნებდნენ ასე ნანატრ "პალაჟენიას".

„ამან გამოიწვია ბევრი უბედურება - მიშას უნარების მითოლოგიზაციის ჩათვლით. ამან გამოიწვია არასწორი მოლოდინების გაჩენაც.

მიშა რომ თავის შვილს არ ეთანხმება, ეგ გასაგებია - მიშა ზოგადად უარს ამბობს რეალობის დანახვაზე და ურჩევნია იმ ილუზიებში იყოს, რაც მას სიამოვნებს.

ურჩევნია ეგონოს, რომ ეს ხალხი მას ეთაყვანება“, - წერს ჩერგოლეიშილი.

„ვიღაცებს მოთხოვნილება უჩნდებათ, რა მაგარი იქნება ეს (მიხეილ სააკაშვილი) რომ მოკვდეს, რა მაგარ რაღაცებს გავაკეთებთ“, - ამის შესახებ გოგი გვახარიას ახალ პროექტში “შვილი” ედუარდ სააკაშვილი საუბრობს, რომლის ინტერვიუ რადიო თავისუფლების გვერდზე გამოქვეყნდა.

რაც შეეხება პატიმრობაში მყოფი მიხეილ სააკაშვილის პოზიციას, მან შვილის ინტერვიუს შესახებ განმარტება ნიკა გვარამიას დააბარა.

„მიშამ მთხოვა განმარტება გამეკეთებინა, რომ მისი ვაჟი სრულწლოვანი ადამიანია, თავისი აღქმები და პოზიციები აქვს და ამას აფიქსირებს მამასთან შეთანხმების გარეშე. თვითონ არ მიიჩნევს და ვერ ხედავს ადამიანებს, რომლებიც მისი სიკვდილის ფასად რამე სიკეთის მიღწევას უშვებდნენ ან აქ ჩამოიყვანეს იმიტომ, რომ მომკვდარიყო და რაღაც ზიანი მიეყენებინათ ხელისუფლებისთვის. ეს მისი პოზიცია არ არის“, - აღნიშნა ნიკა გვარამიამ.

ამავე თემაზე:

🔵 ვიღაცებს მოთხოვნილება უჩნდებათ – რა მაგარი იქნება რომ მოკვდეს, რა მაგარ რაღაცებს გავაკეთებთ… – ოპოზიციის მხრიდან ამაზე საუბარი შემზარავია – ედუარდ სააკაშვილი

🔵 ედუარდ სააკაშვილი პოლიტიკაში წასვლაზე: ეს იქნება ყველაზე დიდი შეცდომა, ამას სანდრას მაგალითზე ვხედავ