თამარ ჟამურაშვილი ეპიდვითარებაზე: ოფიციალური დანაშაულია, როგორც პანდემიის მმართველმა ინტერვიუს მიცემის გარდა არაფერი/ვერაფერი მოიმოქმედო

გერმანიაში მოღვაწე ქართველი ექიმი თამარ ჟამურაშვილი კორონავირუსის ახალი სამხრეთ აფრიკული ვარიანტის შესახებ სოციალურ ქსელში წერს.

როგორც ჟამურაშვილი აღნიშნავს, ახალი ვარიანტები და მუტაციები ძირითადად ქვეყნებში დაბალი ვაქცინაციით ვითარდება.

"SARS-CoV-2-ის ახალი ვარიანტი სამხრეთ აფრიკაში B.1.1.529

‼ დიდი რაოდენობის და საშიში მუტაციებით!!

‼ სულ რამდენიმე დღის წინ აღმოჩენილი შტამი უკვე ევროპაშია >> ანუ ძალიან სწრაფი გავრცელებით ხასიათდება, მეტი ჯერჯერობით არაფერი ვიცით…

‼ ‼ ‼ მივაქციოთ ყურადღება, ახალი ვარიანტები და მუტაციები ძირითადად ქვეყნებში დაბალი ვაქცინაციით ვითარდება!!!

საქართველოში ამ დროს მიტინგების და შეკრებების ფონზე აბსურდული დისკუსია ორ მწვანე პასპორტზე…

⁉ ისმის კითხვა, განზრახ დაწყებული გენოციდი თუ მართლაც მძიმე ფორმის გონებაშეზღუდულობა?

                                ‼ ე.წ. „მუდმივი მწვანე პასპორტით“ სამი მიზანი იქნება მიღწეული:

1. მსხვერპლი გაიზრდება!!!

2. ვაქცინაციის პროცესი კიდევ უფრო შენელდება!!!

3. მსოფლიოში მართლაც პირველები ვიქნებით გონებაშეზღუდულთა ქვეყნის სახელით!!!

‼ პანდემია, რომელიც ასეთ პატარა ქვეყანაში დიდი ქვეყნების მაგალითის გათვალისწინებით მართლაც კარგად შეიძლებოდა მართულიყო მინიმალური მსხვერლით, ფაქტიურად ავტოპილოტზეც არ არის.

პანდემიის დასრულების შემდეგ, მე ვიქნები ერთ-ერთი პირველი და დარწმუნებული ვარ ბევრი ექიმი იგივე აზრზეა, ვინც პანდემიის ვითომ მმართველი გუნდის იურიდიული პასუხისმგებლობის საკითხს დააყენებს!!

ხალხი იღუპება!!!

ოფიციალური დანაშაულია, როგორც პანდემიის მმართველმა ინტერვიუს მიცემის გარდა არაფერი/ვერაფერი მოიმოქმედო და დამკვირვებლის როლი მოირგო!

‼ ბევრი ადამიანი შეიძლებოდა გადარჩენილიყო, რომ არა ჩავარდნილი ვაქცინაციის კამპანია, არა ეს მიტინგები და არა ამპარტავნული დამოკიდებულება გაგვეთვალისწინებინა სხვა ქვეყნების მიდგომები!!
მომიტევეთ პირდაპირობა, ორწლიანი ზეზღურბლოვანი გაღიზიანების ბრალია…" - წერს ჟამურაშვილი.

ცნობისთვის, მსოფლიო მორიგი კოვიდ-გამოწვევის წინაშეა. ჯანმომ კორონავირუსის ე.წ სამხრეთ აფრიკულ ვარიანტს “ომიკრონი” უწოდა და “შემაშფოთებელი ვარიანტის” კლასიფიკაცია მიანიჭა.

სამხრეთ აფრიკის ჯანდაცვის სამინისტროს ცნობით, ქვეყანაში COVID-19-ის ახალი შტამი გავრცელდა, რომელიც უკიდურესად დიდი რაოდენობის მუტაციებს შეიცავს და მსოფლიოს მასშტაბით გავრცელებული ვარიანტებისგან მნიშვნელოვნად განსხვავდება. 

ასევე დაგაინტერესებთ:

🔲 ივანე ჩხაიძე ახალ შტამზე: ქვეყანას კიდევ უფრო ძლიერი ტალღა დაემუქრება

🔲 გამყრელიძე ახალ შტამზე: ლუგარის ლაბორატორიაში, რამდენიმე საეჭვო შემთხვევას ვიკვლევთ