ვატიკანი: ქორწინება არის მთელი ცხოვრების განმავლობაში ვალდებულება ერთ მამაკაცსა და ერთ ქალს შორის

ახალი დადგენილებით, რომელიც პაპმა ლეომ დაამტკიცა, ვატიკანის უმაღლესმა დოქტრინალურმა სამსახურმა მსოფლიოს კათოლიკეებს ამცნო, რომ მათ უნდა ეცადონ ერთ მეუღლეზე დაქორწინებას მთელი ცხოვრების განმავლობაში და არ უნდა ჰქონდეთ მრავალჯერადი სექსუალური ურთიერთობა. ინფორმაციას ამის შესახებ სააგენტო Reuters-ი ავრცელებს.

მრავალცოლიანობის პრაქტიკის გაკრიტიკებით აფრიკაში, მათ შორის ეკლესიის წევრებს შორის, ვატიკანმა კიდევ ერთხელ დაადასტურა, რომ მისი რწმენით, ქორწინება არის მთელი ცხოვრების განმავლობაში ვალდებულება ერთ მამაკაცსა და ერთ ქალს შორის.

დადგენილება, რომელშიც არ იყო განხილული ერთნაირსქესიანი ურთიერთობები, ფოკუსირებული იყო ტრადიციული ქორწინების „სიმდიდრესა და ნაყოფიერებაზე“. მან კათოლიკეებს მოუწოდა, ეპოვათ ერთი მეუღლე და მიეძღვნათ თავი მისთვის.

„ყოველი ავთენტიკური ქორწინება არის ორი ინდივიდისგან შემდგარი ერთობა, რომელიც მოითხოვს ისეთ ინტიმურ და ტოტალურ ურთიერთობას, რომ მისი სხვებთან გაზიარება შეუძლებელია“, - ნათქვამია დადგენილებაში.

„ვინაიდან [ქორწინება] არის კავშირი ორ ადამიანს შორის, რომლებსაც აქვთ ზუსტად იგივე ღირსება და იგივე უფლებები, ის მოითხოვს ექსკლუზიურობას“, - აღნიშნულია დოკუმენტში.