ზუგდიდში სამედიცინო დიაგნოსტიკური ცენტრი "პერსონა მედი" გაიხსნა, სადაც სოციალურად დაუცველებს პერიოდულად უფასო გამოკვლევებს ჩაუტარებენ

ზუგდიდში, სამედიცინო დიაგნოსტიკური ცენტრი "პერსონა მედი" გაიხსნა, რომელშიც სოციალურად დაუცველი ადამიანები პერიოდულად უფასოდ ჩაიტარებს გამოკვლევებს.

როგორც "პერსონა მედის" დამფუძნებელი, ექიმ ენდოკრინოლოგი ნანა შენგელია აცხადებს, კლინიკა რეგიონის მოსახლეობას სხვადასხვა პროფილის კვლევებსა და მაღალკვალიფიციური ექიმების კონსულტაციებს შესთავაზებს.

ნანა შენგელიას თქმით, რაც შეეხება მნიშვნელოვან სიახლეს "პერსონა მედში" რამდენიმე სოციალურად დაუცველ ოჯახს პერიოდულად, უფასოდ ჩაუტარდებათ კვლევები და სამედიცინო კონსულტაციები.

"შევეცადე ერთ სივრცეში შემექმნა კომფორტული გარემო, სადაც პაციენტი შეძლებს მიიღოს ამბულატორიაზე გათვლილი ყველა მომსახურება.

გახსნასთან დაკავშირებით, რამდენიმე სოციალურად დაუცველ ოჯახს ჩაუტარდება უფასო კვლევები და კონსულტაციები.

ეს არ იქნება ერთჯერადი აქცია, ჩემი ყოველდღიურობა აქამდეც ყოველთვის ითვალისწინებდა ამას, თუმცა ამჯერად მეტი შესაძლებლობა მეძლევა სიკეთის კეთების, იმ ადამიანების მომსახურების, ვისაც ნამდვილად სჭირდება დახმარება ექიმების მხრიდან", - განაცხადა კლინიკა "პერსონა მედის" დამფუძნებელმა ნანა შენგელიამ.

ახალი კლინიკა ამბულატორიულ სექტორზეა გათვლილი და უახლესი აპარატურითაა აღჭურვილი.