"აფხაზებს სძულთ რუსები და მათ ომში, მით უფრო, ამგვარ საშინელებაში, საკუთარი ნებით ისინი მონაწილეობას არ მიიღებენ" - ნიკა გვარამია

"მთავარი არხის" გენერალური დირექტორი ნიკა გვარამია სოციალურ ქსელში, გავრცელებულ ინფორმაციას იმის შესახებ, რომ რუსეთმა ოკუპირებული აფხაზეთიდან და ცხინვალიდან სამხედრო ძალების უკრაინაში გადაისროლა ეხმაურება და წერს: 

"Бжания пообещал Сергею Лаврову отправить абхазцев на войну

ბოდიში, რაც არ უნდა იყოს მომხდარი და რა დამოკიდებულებაც არ უნდა გვქონდეს, ესაა ჩვენი მოქალაქეების (ფორმალურად ვისი მოქალაქეებიც არ უნდა იყვნენ) საზარბაზნე ხორცად გამოყენება.

თან, სრულიად დარწმუნებული ვარ, მათი ნების საწინააღმდეგოდ.

აფხაზებს სძულთ რუსები და მათ ომში, მით უფრო, ამგვარ საშინელებაში, საკუთარი ნებით ისინი მონაწილეობას არ მიიღებენ.

ეს ისედაც მცირერიცხოვანი აფხაზური ერის პრაქტიკულად განადგურებაა!

p.s. ძალიან გთხოვთ, აფხაზებზე ჩვენი ტრავმების და სამართლიანი წყენის თუ ბრაზის ამსახველი კომენტარებისგან თავი შეიკავოთ ამ სტატუსის ქვეშ. არავისზე ნაკლებად არ მაწუხებს ეგენი მე თვითონ",- წერს ნიკა გვარამია სოციალურ ქსელში.

ცნობისთვის, სხვადასხვა მედიასაშუალება იუწყება, რომ რუსეთს უკრაინის მიმართულებით გადაჰყავს სამხედრო ნაწილები აფხაზეთიდან და ცხინვალის რეგიონიდან. 2009 წლიდან, ე.წ. სამხრეთ ოსეთის ტერიტორიაზე განლაგებულია რუსეთის შეიარაღებული ძალების სახმელეთო ჯარების მე-4 სამხედრო ბაზა, ხოლო აფხაზეთში მე-7 ბაზა. ამ ბაზების შექმნის დროს, თითოეულ მათგანზე დისლოცირებული იყო 1400 სამხედრო მოსამსახურე. მანამდე გავრცელდა ინფორმაცია, რომ ოკუპირებული ცხინვალიდან მე-4 სამხედრო ბაზის საცხოვრებელი, სამხედრო პერსონალის ოჯახის წევრებმა დატოვეს და გავიდნენ ცხინვალიდან.

სხვა სიახლეები:

🔵 "მთაში ობლად დარჩენილ 7 ბავშვს ყველაფერი ავუტანეთ, რაც სჭირდებოდათ. ფოტოს გადაღება მომერიდა, თორემ რანაირად იწვნენ პირველად, ყველა თავის საწოლში, ლამის მართლა ვიტირეთ" - აკა სინჯიკაშვილი

🔵 "არ მიყვარს ოპერაციიდან გამოსვლის შემდგომი დღე. მთელი დღე სარეცხი უნდა რეცხო" - ოქრუაშვილი

🔵 ყოფილი ქმრის მიერ მოკლული ილიაუნის ლექტორის საქმეზე სტრასბურგის სასამართლომ კონვენციის მე-2 და მე-14 მუხლების დარღვევა დაადგინა - ხოლო სახელმწიფოს 35 000 ევროს ანაზღაურების ვალდებულება დააკისრა