„ახლა მე მაქვს შეკითხვა „ოცნებასთან“: ომი გინდათ?!!!!! ომი გექნებათ საქართველოს მოსახლეობასთან“ - პაატა ბურჭულაძე

„ახლა მე მაქვს შეკითხვა „ოცნებასთან“: ომი გინდათ?!!!!! ...უნდა შეეგუოთ მწარე სიმართლეს: თქვენ ჩაგითრიათ და დაგღუპათ ბიძინა ივანიშვილმა" - ამის შესახებ პაატა ბურჭულაძე სოციალურ ქსელში წერს.

„ახლა მე მაქვს შეკითხვა ,,ოცნებასთან": ომი გინდათ?!!!!!

თუ თქვენი უმსგავსო პოლიტიკის და გზავნილების შედეგად არ მოგვანიჭებენ ევროპის წევრობის კანდიდატის სტატუსს, ომი გექნებათ საქართველოს მოსახლეობასთან.

სანამ წარუმატებლობას ოპოზიციას გადააბრალებთ კიდევ ერთხელ და უმჯობესია ბევრჯერ გადაიკითხეთ ევროპარლამენტის რეზოლუცია.

თუ თქვენთვის ის დამამცირებელი,შეურაცხმყოფელი და სიცრუეა,საქართველოს მოქალაქეებისთვის ის უაღრესად სამართლიანია.

ჩვენთვის დამამცირებელი იყო,როდესაც ევროპა შეგნებულად თვალს ხუჭავდა თქვენს გაყალბებულ არჩევნებზე და შანსს გაძლევდათ გამოსასწორებლად.

დღეს მთელი მსოფლიო მიხვდა თუ რა მავნებლები და გადამგდებლები ხართ.

ეხლა,რაც შეგეხებათ თქვენ პიროვნულად!

უნდა შეეგუოთ მწარე სიმართლეს: თქვენ ჩაგითრიათ და დაგღუპათ ბიძინა ივანიშვილმა.მასთან ერთად ყოფნა კარგი რომ ყოფილიყო ვერ დამასწრებდით.მე ვიყავი პირველი ვისაც მეპატიჟებოდა და ამაში დიდ ფულსაც მთავაზობდა და დღეს თქვენგან განსხვავებით მე შემიძლია,ჩემს შვილებს,მეგობრებს და საქართველოში ყოველ მოქალაქეს, რა პოლიტიკური შეხედულებაც არ უნდა ჰქონდეს, არ შემრცხვეს და თვალებში ჩავხედო.

იმ სიტუაციიდან გამომდინარე,რაც დღეს საქართველოში და მსოფლიოშია ერთადერთი სწორი ნაბიჯია იქნება,რომ გაემიჯნოთ მას.ნუ მიიღებთ საქართველოს უკუსვლაში მონაწილეობას.ბიძინას უკვე არაფერი ეშველება.მას უკვე იმდენი ბოროტება აქვს ჩადენილი,რომ ვერ ასცდება სასჯელს ვერც აქ და ვერც საზღვარგარეთ. ნუ აჰყვებით პრემიერის და მისთანა ხელისბიჭების უაზრო და მავნებლურ განცხადებებს, მათ სხვა გზა აღარ აქვთ და იძულებულები არიან იძახონ სისულელები,რომლისაც თვითონ არ სჯერათ. ნუ გამოუცხადებთ ომს საკუთარ ხალხს და მასთან ერთად თქვენს ოჯახის წევრებს.განსაკუთრებით თქვენს შვილებს.ისინი უდანაშაულოები არიან და მათ ხომ უნდა იცხოვრონ ამ ქვეყანაში.

თუ ომს აირჩევთ იცოდეთ,აუცილებლად დამარცხდებით.

მესმის,რომ არის მთავრობის რამდენიმე წევრი,რომლებსაც უკვე ძალიან შეტოპილი აქვს უმსგავსოებაში,მაგრამ დიდ ნაწილს ჯერ კიდევ შეგიძლიათ შეინარჩუნოთ სახე.

რაც შეეხება სტუდენტებს:

გეთანხმებით,რომ თქვენ გაქვთ პრობლემები,რომელსაც აპროტესტებთ,მაგრამ პირველ რიგში უნდა დაიცვათ თქვენი და მთელი საქართველოს მომავალი.ასე,რომ ჩემო საყვარლებო,მოკიდეთ ხელი თქვენს მეგობრებს და 20 ივნისს 20 საათზე ყველანი უნდა მიხვიდეთ აქციაზე თორემ თუ ამ მთავრობამ გაიმარჯვა,მალე გამოცდებს ჩააბარებთ ბიძინა ივანიშვილის ბიოგრაფიაში და ძალით გათქმევინებენ თუ როგორი ქველმოქმედი,სახელმწიფო მოღვაწე,უაღრესად განათლებული დიდი პოლიტიკოსია და თუ როგორ გადაარჩინა საქართველო ევროპული გარყვნილობისაგან.

ასე,რომ ჩემო მეგობრებო,ეხლა დიდმნიშვნოვლად წყდება საქართველოს ბედი.

გავერთიანდეთ.

თუ აქციაზე ოცნების მხარდამჭერებიც მოვლენ შეურაცხყოფას ნუ მივაყენებთ.მათი მოსვლა ნიშნავს,რომ ევროპულ გზაზე თანამოაზერეები ვართ.

ღმერთი ჩვენთან!!!“, - წერს პაატა ბურჭულაძე.

ასევე წაიკითხეთ:

🔵 ა, კიდო! დამწკრივდა მთელი ოცნება და პირველ პირში ლაპარაკობენ ივანიშვილის ქონებაზე და პრობლემებზე - ნინო ჯანგირაშვილი

🔵 „რომ არა ბიძინა ივანიშვილის დახმარება, დღეს ძალიან ბევრი „ლიდერი“, რომელიც მიშას ნავში გადასკუპდა, გარდაცვლილი იქნებოდა მძიმე სენით!..“ - შალვა რამიშვილი

🔵 ხათუნა ხოფერია: „20 ივნისს დაანონსდა ნაცსექტის აქცია, რომლის მთავარი ორგანიზატორი ახალგაზრდა "ნაციონალების" ორი დაჯგუფებაა“