"ძალიან დაბალი დონეა ქართულ ჟურნალისტიკაში, არაპროფესიონალიზმი და სიბრიყვე - ტვ იმედი "გლიჯავს", ბოლო დღეების სიუჟეტში ხელოვნების მუზეუმზე ჟურნალისტი ორჯერ იმეორებს ანჩის ხატზე "ანჩისხატის ხატი". ხატის ხატი გაგონილა? " - რას წერს დეკანოზი ილია ჭიღლაძე?

"ძალიან დაბალი დონეა ქართულ ჟურნალისტიკაში, არაპროფესიონალიზმი და სიბრიყვე. აშუქებენ საკითხს, რომელზედაც წარმოდგენა არ აქვთ და სისულელეს ამბობენ", - ამის შესახებ დეკანოზი ილია ჭიღლაძე სოციალურ ქსელში წერს.

"მთავარმა არხმა წინა დღეებში გამოსდო ინფორმაცია, ისეთი დამახინჯებით რომ პირდაპირ კურიოზია:

მოსკოვის საპატრიარქოს უკრაინის მართლმადიდებელი ეკლესიის დადგენილება გასაღებულია უკრაინის მართლმადიდებელი ეკლესიის (ანუ ავტოკეფალიური უკრაინის ეკლესიის) დადგენილებად, ხოლო კრება ანუ რუსულად და უკრაინულად "სობორ" გადმოთარგმნილია ქართულად საკათედრო ტაძრად.

კი მაგრამ გუგლტრანსეიტით თარგმნით თქვე დალოცვილებო?

სობორ ტაძარსაც ნიშნავს და კრებასაც და კონტექსტი ხომ უნდა გაიაზროთ?

და დადგენილება ამბობს რუსეთის ეკლესიაო ტაძრებს გვართმევსო.

ამ დროს დადგენილების ავტორები უკრაინის ავტოკეფალიურ ეკლესიაზე წერენ ტაძრებს გვართმევსო და საკითხის უვიცმა ჟურნალისტმა, რომ ვერ გაიგო აზრი, ასე მოთარგმნა და "დაალაგა" სიტუაცია.

იქით ტვ იმედი "გლიჯავს", ბოლო დღეების სიუჟეტში ხელოვნების მუზეუმზე ჟურნალისტი ორჯერ იმეორებს ანჩის ხატზე "ანჩისხატის ხატი".

ხატის ხატი გაგონილა?

ეგ კლარჯეთის ანჩის ეკლესიის ხატია და ჰქვია "ანჩის ხატი", ხოლო მის გამო დაერქვა ტფილისის საკათალიკოზო ბაზილიკას "ანჩის ხატის ეკლესია".

შესაბამისად "ანჩისხატის ხატი" ნონსენსია", - წერს დეკანოზი.

ასევე დაგაინტერესებთ:

* "ესენი არიან საქართველოს ჟირინოვსკები და დუგინები, ამათი ჯოჯოხეთის მარადიულ ცეცხლში დაწვა მადლია" - ვისზე წერს დეკანოზი ილია ჭიღლაძე