"მისთვის ქრისტიანული შინაარსის წერილი აუცილებლად უნდა მიეწერა, ილია მეორეს, რადგან ისინი ერთმანეთს პირადად იცნობენ და დელონი მას პიროვნულად დიდ პატივს სცემს" - მამა იერონიმე

რუის-ურბნისის ეპარქიის მღვდელმსახური მამა იერონიმე ქათამაძე, მსახიობ ალენ დელონის გადაწყვეტილებასთან დაკავშირებით, რომლის მიხედვით იგი თანახმაა ევთანაზიის გზით დაასრულოს სიცოცხლე, ქართველების რეაქციას ეხმაურება და წერს: 

"ბოლო დროს დიდი წუხილი მაქვს ცნობილი ფრანგი მსახიობის და უბრალოდ კარგი კაცის, ალენ დელონის არჩევანის შესახებ, რომ დაასრულოს სიცოცხლე “კანონიერი”, სამედიცინო თვითმკვლელობით იგივე ევთანაზიით.

ჩემი მოკრძალებული აზრით, მისთვის ქრისტიანული შინაარსის წერილი აუცილებლად უნდა მიეწერა რომის პაპ ფრანცისკეს, როგორც კათოლიკე ქრისტიანთა სულიერ ლიდერს (მოგეხსენებათ ალენ დელონი კათოლიკეა) ან საქართველოს პატრიარქს ილია მეორეს, რადგან ისინი ერთმანეთს პირადად იცნობენ და ალენ დელონი მას პიროვნულად დიდ პატივს სცემს, როგორც ერთ-ერთ ქრისტიან სულიერ ლიდერს.

სადაც მას შეაგონებდნენ, რომ ევთანაზია არის უმძიმესი ცოდვა და დანაშაული ღმერთისა და საკუთარი თავის წინაშე და რომ ამის შედეგი, ღმერთისგან საბოლოოდ ჩამოშორება იქნება.

იქნებ ქრისტიანულ, სახარებისეულ შეგონებას, მისთვის ამ უმძიმესი გადაწყვეტილების მიღებაში ხელი შეეშალა და გადაეფიქრებინა საკუთარი სიცოცხლის ხელყოფა სამედიცინო თვითმკვლელობით, რადგან რაც არ უნდა დიდი ან ცნობილი პიროვნება იყოს ადამიანი, ის არის ადამიანი თავისი სისუსტეებით, შეცდომებითა და შიშებით და მასაც სჭირდება სულიერი შეწევნა, ნუგეში და შეგონება.

არ ვიცი ახლა უკვე მიიცვალა თუ ჯერ კიდევ ევთანაზიის სითხით სავსე ჭიქას ელოდება რომ შესვას უკანასკნელი სასმისი, მაგრამ ღმერთს ვთხოვ, რომ უშველოს და დაეხმაროს",- წერს მამა იერონიმე.

ამავე თემაზე:

• დათო ლიკლიკაძე: რა ჯანდაბა გეტაკათ ამ ალენ დელონზე - ამ წუთებში კანის ფესტივალზე გამოდის და ვიხევი სიცილით
  
• ორი დღეა სოციალურ ქსელში საუბრობენ, რომ თითქოს, ალენ დელონი 18 მაისს ევთანაზიის ჩატარებას აპირებს... - რა ინფორმაციას ავრცელებს პეტრე კოლხი