ნამდვილი ქარიშხალი დავატრიალეთ... გემრიელი სლავა უკრაინი შევძახეთ - რას წერს გიგა მაქარაშვილი

პოლონეთში მოხალისედ წასული სამოქალაქო აქტივისტი, გიგა მაქარაშვილი სოციალურ ქსელში წერს:

„ნამდვილი ქარიშხალი დავატრიალეთ დღეს. 

ცხელი ხარჩოს ჩამორიგების შემდეგ ყველაზე პატარა უკრაინელების ჰიგიენის საშუალებებზე გავქანდით  
300 ცალი ჰიგიენური საფენი, სველი ხელსახოცები, ტაკოს კრემები ჩავტვირთეთ უამრავ კალათაში და მივადექით სალაროს..

რაოდენობას რომ გადახედა მოლარემ, კინაღამ მოსასულიერებელი გაგვიხდა, რომ გაიგო რისთვის გვინდოდა ხმამაღლა გასძახა ვიღაცას… ის ვიღაცა სუპერმარკეტის მენეჯერი აღმოჩნდა… ახლა იმას ავუხსენით რისთვის გვინდოდა და კინაღამ მეორე ადამიანი ჩაგვაკვდა ხელში. ჩვენს გვერდითა სალაროებიდან გადმოვიდნენ ჩვეულებრივი კლიენტები და მარკეტის ფასდაკლების ბარათები დააძრეს. 

თითო ბარათით 2 ნივთის ყიდვა შეგვეძლო ფასდაკლებით. ვიუარე, არ შეგაწუხებთ მეთქი, მაგრამ არ მომეშვნენ და ატყდა გადაძახილები კლიენტებს შორის. 

150 პოლონელი რიგრიგობით მოვიდა და ფასდაკლების ბარათი გაგვიტარა! 150!!! ბოლო 2 პამპერსი რომ გავატარეთ გემრიელი სლავა უკრაინი შევძახეთ.

ჯამში 700 ზლოტის ეკონომია გამოგვივიდა და ამ დანაზოგით ხვალ დამატებით ხაჭაპურებს მივიტანთ, რომელიც ლტოლვილად ქცეულმა უკრაინელებმა დაგვიკვეთეს დღეს.

Ana Makharashviliს დახმარების გარეშე არაფერი გამოგვივიდოდა. ჩემო კარგო ქვეყანავ“, - წერს გიგა მაქარაშვილი.  

ასევე საინტერესოა:

🔵 „ყველა ქართველი მენანება სიკვდილისთვის, მაგრამ ემიგრანტი - ორმაგად“ - ამერიკაში ქართველი ემიგრანტი გარდაიცვალა

🔵 ირაკლი კობახიძე: „ნაციონალების ვიზიტის შემდეგ უკრაინამ დაიწყო საუბარი ომის საქართველოში გადმოტანაზე“

🔵 სუსმა წალენჯიხის საკრებულოში გიორგი გახარიას პარტია „საქართველოსთვის“ წევრი დეპუტატი დააკავა