ბუჩაში სამხედრო დანაშაულის ჩადენას რუსეთი უარყოფს

რუსეთის თავდაცვის სამინისტრო უარყოფს კიევის რეგიონის ოკუპირებულ ნაწილებში რუსი ჯარისკაცების მიერ მშვიდობიანი მოქალაქეების ხოცვა-ჟლეტას.

„კიევის რეჟიმის მიერ გამოქვეყნებული ყველა ფოტო და ვიდეო მასალა, რომელიც თითქოსდა მოწმობს კიევის რეგიონის ქალაქ ბუჩაში რუსი სამხედრო მოსამსახურეების მიერ რაიმე სახის „დანაშაულის“ ჩადენას, არის მორიგი პროვოკაცია“, - ციტირებს სახელმწიფო საინფორმაციო სააგენტო RIA სამინისტროს განცხადებას.

„იმ პერიოდში, როცა ბუჩა რუსეთის შეიარაღებული ძალების კონტროლს ექვემდებარებოდა, არც ერთ ადგილობრივ მცხოვრებს არ განუცდია ძალადობრივი ქმედებები“, - აცხადებენ თავდაცვის სამინისტროში.

უწყებაში დაჟინებით ამტკიცებენ, რომ ყველა რუსულმა ქვედანაყოფმა ბუჩა დატოვა 30 მარტს და ქალაქში დანაშაულის მტკიცებულება მხოლოდ მე-4 დღეს გამოჩნდა.

უკრაინული მხარე ამტკიცებს, რომ რუსებმა ომის დანაშაულები ჩაიდინეს კიების რეგიონის დროებით ოკუპირებულ ნაწილებში. უფლებადამცველი ორგანიზაციები ასევე აცხადებენ, რომ აქვთ მტკიცებულებები, უკრაინაში რუსების მიერ ჩადენილი ომის დანაშაულებისა.

ევროპის კავშირის ხელმძღვანელი, შარლ მიშელი „შემდგომ სანქციებს“ ჰპირდება რუსეთს უკრაინაში ჩადენილი სისასტიკის ბრალდების ფონზე.

ასევე დაგაინტერე­­­­სებთ:

🔵ეს მართლაც გენოციდია, მთელი ერის მკვლელობის ოპერაცია - ზელენსკი, რუს ოკუპანტებზე

🔵ყველა რუსი და რუსეთელი სამხედრო დამნაშავედ მიმაჩნია და ღრმა, ყოვლისმომცველ სიძულვილს ვგრძნობ - ირაკლი აბსანძე

🔵ომის თავიდან ასაცილებლად, ნებისმიერი პატრიოტი ხელისუფალი უნდა აკეთებდეს ყველაფერს და მე ამ სულისკვეთებით, ამ პასუხისმგებლობით ვმოქმედებ - რაკლი ღარიბაშვილი