"დილა კიევში განგაშის სირენების ჩართვით დაიწყო" - რა ვითარებაა უკრაინაში ომის დაწყებიდან მე-7 დღეს

რა ვითარებაა უკრაინაში ომის დაწყებიდან მე-7 დღეს - დილა კიევში განგაშის სირენების ჩართვით დაიწყო.

🔵 ხერსონის მერმა განაცხადა, რომ რუსეთის ჯარები ქალაქში დადიან, ისმის აფეთქებების ხმა - აიღეს მდინარის პორტი, რკინიგზის სადგური და რამდენიმე ადმინისტრაციული შენობა.

🔵 რუსეთის ჯარებმა დაიკავეს სუმის რეგიონის ქალაქი ტროსტიანეც. სამხარეო ადმინისტრაციის ხელმძღვანელის თქმით, სამი რუსული კოლონა ქალაქში სხვადასხვა მხრიდან შევიდა და მთლიანად დაიკავა.

🔵 ჟიტომირში საცხოვრებელ რაიონში განხორციელებული ავიაიერიშის შედეგად რამდენიმე საცხოვრებელ სახლს ცეცხლი გაუჩნდა. დაიღუპა ოთხი ადამიანი, მათ შორის ერთი ბავშვი.

🔵 უკრაინის აღმოსავლეთით დაახლოებით 40 ათასი ადამიანი დარჩა საკვებისა და სინათლის გარეშე - ქალაქ ვოლნოვახაში, სარტანასა და ტალანოვკაში. აქ აქტიური საბრძოლო მოქმედებები გრძელდება. რუსეთის არმია არ იძლევა მშვიდობიანი მოსახლეობის ევაკუაციის საშუალებას.

🔵 უკრაინის დაზვერვა აცხადებს, „ბელორუსის ჯარები მზადყოფნაში არიან და რაც შეიძლება ახლოს არიან უკრაინის საზღვართან“.

🔵 აშშ დაკეტავს თავის საჰაერო სივრცეს რუსული ავიახაზებისთვის. ამის შესახებ პრეზიდენტმა ბაიდენმა კონგრესში გამოსვლის დროს განაცხადა.

🔵 Apple-მა შეაჩერა პროდუქციის გაყიდვები და შეზღუდა Apple Pay-ის გამოყენება რუსეთში.

წყარო: ჯემნიუსი

სხვა სიახლეები:

🔺 "გუშინ 16 ბავშვი შეეწირა პუტინის თავდასხმას, პუტინი იტყვის ალბათ, რომ ეს არის სპეცოპერაციის არა გამიზნული შედეგი, მაგრამ ფაქტი რჩება ფაქტად" - ზელენსკი ევროპარლამენტარებს

🔺 ზალკალიანი: ვოლოდიმირ ზელენსკის მიერ უკრაინის ელჩის საქართველოდან გაწვევა არის მოულოდნელი და სამწუხარო გადაწყვეტილება

🔺 „მაიმუნი უმადური“ - რას წერს ზელენსკიზე თეა წულუკიანის ქმარი ნუგო კაკულია?!