"გუშინ 16 ბავშვი შეეწირა პუტინის თავდასხმას, პუტინი იტყვის ალბათ, რომ ეს არის სპეცოპერაციის არა გამიზნული შედეგი, მაგრამ ფაქტი რჩება ფაქტად" - ზელენსკი ევროპარლამენტარებს

უკრაინის პრეზიდენტის ვოლოდიმირ ზელენსკის განცხადებით, გუშინ რუსულ სარაკეტო თავდასხმებს 16 ბავშვი შეეწირა. 

როგორც ზელენსკიმ, ბრიუსელში მიმდინარე ევროპარლამენტის სპეციალურ სესიაზე განაცხადა უკრაინამ უკვე აჩვენა საკუთარი ძალა და ახლა ჯერი ევროპაზეა.

"უკრაინელები არიან დაუჯერებელი ძალის მქონე ერი.

უკრაინას, ჩვენ ვამბობთ, რომ შეგვიძლია მივაღწიოთ ყველაფერს, რასაც დავისახავთ მიზნად და ეს ყველაფერი ჩანს ომის ფონზე, რაც მიმდინარეობს ახლა.

დარწმუნებული ვარ, რომ უკრაინა საბოლოო ჯამში აირჩევს ევროპას.

ამიტომ მინდა მოვისმინო თქვენგან, რომ უკრაინელების ევროპული არჩევანი თქვენთვის არის მისაღები.

დღის პირველი ნაწილი უკრაინელებისთვის იყო ტრაგიკული, რუსეთის ფედერაცია სარაკეტო თავდასხმებით გვიტევს და ეს არიოს ჩვენი მეზობელი ქვეყანა, რომელთანაც ადრე გვქონდა კარგი ურთიერთობა.

რომელიც ანადგურებს ჩვენს ქალაქს, (ხარკოვი) რომელიც არის რიგით მეორე დიდი ქალაქი უკრაინაში.

აქ მდებარეობს ყველაზე თავისუფალი მოედანი ევროპაში, რომელსაც ორი რაკეტა დაეცა და გარდაიცვალა ათეულობით პირი.

ეს არის თავისუფლების ფასი, საკუთარი მიწისთვის.

მიუხედავად იმისა, რომ ჩვენი ქვეყნის ყველა მსხვილი ქალაქი დაბლოკილია ფაქტობრივად, ვერავინ გაბედავს ჩვენი თავისუფლების შელახვას.

დარწმუნებული იყავით, რომ ამ მოედანს ყოველთვის ერქმევა თავისუფლების მოედნის სახელი და მთელი მსოფლიო დაინახავს, რომ უკრაინელებს აქვთ იმის სურვილი რომ დაიცვან საკუთარი შვილები.

გუშინ 16 ბავშვი შეეწირა პუტინის თავდასხმას, პუტინი იტყვის ალბათ, რომ ეს არის სპეცოპერაციის არა გამიზნული შედეგი, მაგრამ ფაქტი რჩება ფაქტად. სწორედ სარაკეტო თავდასხმებს ემსხვერპლა 16 ბავშვი.

ევროპის გარეშე, თქვენს გარეშე უკრაინა ვერ გადარჩება. ჩვენ დავამტკიცეთ ჩვენი ძალა, გთხოვთ დაგვიმტკიცეთ რომ თქვენ ჩვენს გვერდით ხართ.

აუცილებლად გაიმარჯვებს თავისუფლება", - მიმართა ზელენსკიმ ევროპარლამენტარებს.

ზელენსკის გამოსვლას ევროპარლამენტარების მქუხარე აპლოდისმენტები მოჰყვა.