ლავროვმა დაასახელა როგორი მთავრობა სურს რუსეთს უკრაინაში

რუსეთის საგარეო საქმეთა მინისტრმა, სერგეი ლავროვმა უკრაინის მთავრობა კიდევ ერთხელ დაადანაშაულა საკუთარი ხალხის წინააღმდეგ დონბასში განხორციელებულ გენოციდსა და რუსოფობიაში და ამ თემაზე საუბრისას ისევ გამოიყენა კრემლის პროპაგანდისტული და დეზინფორმაციული განცხადებები უკრაინელების მიერ რუსების ჩაგვრის და რუსულად საუბრის აკრძალვის შესახებ. 

ლავროვი დღეს, 25 თებერვალს მოსკოვში შეხვდა ლუგანსკის ე.წ. სახალხო რესპუბლიკის „საგარეო საქმეთა მინისტრ“ ვლადისლავ დეინეგოს და დონეცკის ე.წ. სახალხო რესპუბლიკის „საგარეო საქმეთა მინისტრის“ მოადგილეს სერგეი პერესადოის.

ამ შეხვედრის შემდეგ გამართულ პრესკონფერენციაზე ტელეკომპანია NBC-ს ჟურნალისტმა ლავროვს ჰკითხა, უკრაინაში რუსეთის სამხედრო ოპერაციის სავარაუდო მიზანზე - დემოკრატიულად არჩეული პრეზიდენტის, ვოლოდიმირ ზელენსკის შეცვლაზე პრორუსული მთავრობით.

რუსეთის საგარეო საქმეთა მინისტრის განცხადებით, პრეზიდენტმა პუტინმა სამხედრო ოპერაციის მიზანი მკაფიოდ განმარტა 24 თებერვალს. როგორც ლავროვმა თქვა, რუსეთი ვერ ხედავს შესაძლებლობას, დემოკრატიულად აღიაროს მთავრობა, რომელიც საკუთარ ხალხს ჩაგრავს, მას გენოციდს უწყობს და კრძალავს რუსულ ენას, რომელზეც მოსახლეობის უდიდესი ნაწილი საუბრობს.

ლავროვის განცხადებით, პრეზიდენტმა პუტინმა დაადასტურა, რომ რუსეთი დაინტერესებულია „უკრაინელი ხალხის დამოუკიდებლობით“, იმით, რომ „ჰყავდეს მთავრობა, რომელიც წარმოადგენს მთელ მის მრავალფეროვნებას“, არ წაახალისებს „ნეონაციზმს და რუსების გენოციდს“ და უკრაინას არ გამოიყენებს „რუსეთის შეკავების ინსტრუმენტად“. 

წყარო:რადიო თავისუფლება

ასევე დაგაინტერე­­­­სებთ:

🔵რუსეთის ფედერაციის სპეცოპერაციის ძირითადი სცენარი არის კიევში შესვლა და სახელმწიფოს ხელმძღვანელობის განადგურება - პრეზიდენტის ადმინისტრაცია

🔵ქართველებო, ძმებო, მოითმენთ თუ აუხსნით ღარიბაშვილს, რა უნდა გააკეთოს? - არაუშავს ირაკლი, როცა ჩვენს ცაზე სამხედროს ნაცვლად სამგზავრო თვითმფრინავები იფრენენ, შეგიძლია არსადაც აღარ წახვიდე - რადას დეპუტატი

🔵