მარიუპოლის მიმართულებით საზღვაო არტილერია ისვრის, ისვრიან ქვემეხებებს, მტრის ტანკები აგრძელებენ შეტევას, ქვეითი ჯარი ცდილობს შტურმს - სტანისლავ პალამარი

აზოვის ბატალიონის ხელმძღვანელის მოადგილე, სტანისლავ პალამარი აზოვსტალის ქარხნიდან მორიგ მიმართვას ავრცელებს.

პალამარი ამბობს, რომ დღეს დიდი დღეა - აღდგომაა, თუმცა, მიუხედავად ამისა, რუსული ჯარები მარიუპოლს უტევენ ყველაფრით, რაც შესაძლებელია, ასევე ცდილობენ შტურმს უკრაინელი სამხედროების პოზიციებზე.

"დღეს დიდი დღეა. და მიუხედავად ამისა, მტერი ყრის ბომბებს, საზღვაო არტილერია ისვრის, ისვრიან ქვემეხებებს, მტრის ტანკები აგრძელებენ შეტევას, ქვეითი ჯარი ცდილობს შტურმს". - ამბობს პალამარი.

ის მოუწოდებს "ცივილიზებულ სამყაროს, გააკეთონ ყველაფერი, რათა მარიუპოლის დამცველებს, რომლებმაც წარმოუდგენელი გმირობა ჩაიდინეს, ჰქონდეთ ახლობლების ნახვის და მეგობრების საფლავების მონახულების შესაძლებლობა".

ქალაქი მარიუპოლი, რომელიც რუსეთის მიერ ოკუპირებული დონეცკის და ლუგანსკის ოლქების გვერდით მდებარეობს, 1-ლი მარტიდან ალყაშია.

რუსი ჯარისკაცები ანადგურებენ ინფრასტრუქტურას, სასტიკად უსწორდებიან, აწამებენ და ხოცავენ მშვიდობიან მოქალაქეებს. მათი ნაწილის ევაკუაცია მოხერხდა, თუმცა, 120 ათასამდე მოქალაქე კვლავ ქალაქში რჩება. ისინი სარდაფებში უწყლობით და შიმშილით იხოცებიან. რუსი ჯარისკაცები მარიუპოლში ჰუმანიტარული დახმარების მანქანებს არ უშვებენ. 

ასევე წაიკითხეთ:

🔵უკრაინაში დაღუპული ქართველი მებრძოლები საქართველოში ჩამოასვენეს

🔵გარდაიცვალა 25 წლის ქალი, მისი მეუღლე და მცირეწლოვანი შვილი კი მძიმედ დაშავდნენ - ავარია კახეთში

🔵დაე, უფალმა უპირველეს ყოვლისა ჩვენი ხალხი შეარიგოს უკრაინაში, დონბასში, სადაც სისხლი ჯერ კიდევ იღვრება - რუსეთის პატრიარქი