„ომი არ გვაძლევს არჩევის საშუალებას, ვინ გადარჩება და ვინ დარჩება მარადიულ სიჩუმეში... რუსეთს სიკვდილის სიჩუმე მოაქვს“ - ზელენსკი

„ომი არ გვაძლევს არჩევის საშუალებას, ვინ გადარჩება და ვინ დარჩება მარადიულ სიჩუმეში. რუსეთს სიკვდილის სიჩუმე მოაქვს“, - აცხადებს უკრაინის პრეზიდენტი ვოლოდიმირ ზელენსკი, რომელიც რუსი ოკუპანტებისგან განადგურებულ ბუჩაში ჩავიდა, სადაც რუსებმა ასობით ადამიანი ჩახოცეს და გაჟლიტეს.

ოფიციალური უწყებების ცნობით, სასტიკი წამებით მოკლეს 410 მშვიდობიანი მოქალაქე.

„ყველაფერი, ოღონდ სიჩუმე არა! ჩვენს მუსიკოსებს სმოკინგის ნაცვლად ჯავშანჟილეტები აცვიათ, ისინი დაჭრილებს უმღერიან, ისინი უმღერიან მათაც, ვისაც აღარ ესმის. ომი. რა არის უფრო მეტად მუსიკის საპირისპირო? დანგრეული ქალაქებისა და მოკლული ადამიანების სიჩუმე.

ჩვენი შვილები ხატავენ მფრინავ რაკეტებს და არა მოწყვეტილ ვარსკვლავებს. 400-ზე მეტი ბავშვი დაშავდა, 153 კი გარდაიცვალა. ჩვენ ვერასდროს ვიხილავთ მათ ნახატებს. ჩვენმა ახლობლებმა არ იციან, ისევ ერთად ვიქნებით თუ არა.

ომი არ გვაძლევს არჩევის საშუალებას, ვინ გადარჩება და ვინ დარჩება მარადიულ სიჩუმეში. რუსეთს სიკვდილის სიჩუმე მოაქვს. მხარი დაგვიჭირეთ ყველანაირად, ნებისმიერი გზით, მაგრამ არა დუმილით“, – განაცხადა ზელენსკიმ.

ასევე დაგაინტერე­­­­სებთ:

🔵  „ბუჩა - სისხლის კალო, რომლის მომკელსაც ეს არასდროს უნდა შევარჩინოთ“ - გიორგი კეკელიძე

🔵 „დახოცილი და ნაწამები ადამიანების ფოტო უნდა ედოს ყველა კომუნალური გადასახადის ქვითარს, სადაც სახლები რუსული გაზით თბება...“ - ეპისკოპოსი რუსუდან გოცირიძე

🔵 „ოცდამეერთე საუკუნეში არსებული ფაშიზმი და ნაციზმი... ეს რუსული საოკუპაციო ძალების ხელწერაა“ - ეპისკოპოსი მელქისედეკ ხაჩიძე