პუტინი ბუნკერში იმალება, მასთან მიახლოების უფლება არავის აქვს, დაცვასაც არ ენდობა - დიქტატორის წინააღმდეგ შეთქმულება მზადდება?

რუსეთის პრეზიდენტს ფიზიკური ლიკვიდაციის ეშინია, რის გამოც კრემლში დიდი ხანია არ მისულა. უკრაინაში ომის დაწყების შემდეგ ის გადავიდა სპეციალურ დაცულ ბუნკერში.

ამის შესახებ  გამოცემა „ფაქტებს“,  წყაროებზე დაყრდნობით სოციალურ-ეკონომიკური ტრანსფორმაციის ინსტიტუტის დირექტორი ილია ნესხოდოვსკი ესაუბრა.

„პუტინის ბუნკერში ყოფნის ვერსია სიმართლეს შეესაბამება. ამ კონტექსტში დიდად საეჭვოა, რომ ის თურქეთში გაფრინდეს. კრემლის ხელმძღვანელს ყველა კონტაქტი შეზღუდული აქვს და ეშინია, რომ მოკლავენ, რადგან ხვდება, რომ ძალიან ბევრი აქვს ჩადებული იმ ომში, რომელსაც აგებს. პუტინს ძალიან, ძალიან ეშინია. ახლა მასთან ყველა საუბარი მხოლოდ ონლაინ ხდება. ის არავის უშვებს მასთან ახლოს“, - განაცხადა ნესხოდოვსკიმ.

მისი თქმით, პუტინი არც საკუთარ დაცვას არ ენდობა.

„ის, რომ ის ყველას თავისგან შორ მანძილზე აჯენს, არ არის კორონავირუსის შიშით გამოწვეული, მას უბრალოდ ეშინია ნებისმიერი მცდელობის, რომელსაც შეიძლება შეეწიროს, ამიტომ არავინ არ უნდა მიუახლოვდეს  10 მეტრის დისტანციაზე... რა თქმა უნდა, ეს ეხება დაცვასაც. შედეგად, დაცვის ზოგიერთი თანამშრომელი პერიოდულად ქრება: გუშინ იყო, დღეს აღარ არის. თუ პუტინი ვიღაცაზე ეჭვს მიიტანს, ის ადამიანი... ქრება“, - ამბობს ნესხოდოვსკი.

მან ასევე განაცხადა, რომ კულუარული ინფორმაციის მიხედვით, ოლიგარქებს სურთ, ყველაფერზე პასუხისმგებლობა პუტინს დააკისრონ და დასავლეთს გადასცენ.

„მაგრამ ამ გეგმამ ჯერჯერობით ვერ პოვა მხარდაჭერა უშიშროების ძალებში, ისინი პუტინის მხარეზე არიან. მიუხედავად იმისა, რომ ერთ-ერთ განყოფილებაში საკადრო წმენდა და თანამდებობიდან გათავისუფლებები მოხდა. და ეს ყველაფერი იმიტომ, რომ მან კარგად „კვება“ ისინი. ამავდროულად, ეკონომიკაზე კატასტროფული ზეწოლა ხორციელდება, ამიტომ, ალბათ, რაღაც შეიცვლება“, - ამბობს ნესხოდოვსკი.

მანამდე შინაგან საქმეთა სამინისტრომ განაცხადა, რომ ვლადიმერ პუტინი უკრაინასთან რეალური მოლაპარაკებების დაწყებას კიდევ დაახლოებით ორი კვირის განმავლობაში არ აპირებდა.

ასევე დაგაინტერე­­­­სებთ:

🔵"ჩვენ დაღუპულ გმირებს აქ უნდა დავხვდეთ, მთელი აეროპორტის ტრასის გაყოლებაზე მუხლმოდრეკილი…" – გიორგი კალატოზიშვილი

🔵“ვთვლი, რომ კატასტროფულად იქცევა საქართველო - მთავრობაც და ხალხიც, მაგრამ მაინც მიყვარს” - ზურა პირველი

🔵საბერძნეთმა რუს ბიზნესმენებს ქონება დაუყადაღა