პუტინის იმპიჩმენტის მოთხოვნით შექმნილ პეტიციას 30 წუთში ხელი 34 ათასმა ადამიანმა მოაწერა

პუტინის იმპიჩმენტის მოთხოვნით შექმნილ პეტიციას 30 წუთში ხელი 34 ათასმა ადამიანმა მოაწერა.

პეტიცია, პლატფორმაზე Change.org გავრცელდა და მასში წერია, რომ უკრაინაში რუსეთის შეჭრის გამო ვლადიმირ პუტინი დამნაშავეა სახელმწიფო ღალატსა და სამხედრო დანაშაულებში.

„ამ აგრესიის შედეგად უკრაინის ტერიტორიაზე ხალხი იღუპება, ინგრევა ინფრასტრუქტურა, ნადგურდება ეკონომიკა. ოპერაციის დეკლარირებული მიზანია სახალხოდ აღიარებული არჩევნებით კანონიერად არჩეული პრეზიდენტისა და მთავრობის გადაყენება. უკრაინის სახელმწიფოებრიობას საფრთხე ემუქრება.

გარდა ამისა, გამოუსწორებელი ზიანი დგება და უკვე მიადგა რუსეთის პოზიციებს მსოფლიოში. ვლადიმერ პუტინის გადაწყვეტილება რუსეთს მარგინალ ქვეყნად აქცევს. რუსეთი შეიძლება სამუდამოდ მოწყდეს მსოფლიო ეკონომიკას, მისი მრავალმილიონიანი მოსახლეობა კი სიღარიბისა და ტექნოლოგიური დეგრადაციისთვის გაიწიროს. ეს ყველაფერი მხოლოდ რუსეთის ხალხისთვის ზიანის მიყენების მიზანმიმართულ მცდელობად შეიძლება იქნას აღქმული.

მოვითხოვ, რუსეთის ფედერაციის სახელმწიფო სათათბიროდან დაიწყოს რუსეთის ფედერაციის პრეზიდენტის თანამდებობიდან ვლადიმერ პუტინის გადაყენების პროცედურა რუსეთის კონსტიტუციის 93-ე მუხლის შესაბამისად". - წერია პეტიციაში. 

ასევე საინტერესოა:

🔵 „44 წლის პრეზიდენტი ომშია. 44 მილიონიანი ქვეყნის 300 000 ათასამდე სამხედრო მსოფლიოს  1 მტერს ებრძვის“ - ქეთი ქარდავა

🔵 „ვფიქრობ, უკრაინამ ომი მოიგო, იმიტომ რომ როცა ომი დაიწყო რუსები ბანკომატებს მიაწყდნენ, უკრაინელები კი - კომისარიატებს“

🔵 „ბოროტებაზე გამარჯვების სუნი პირველად დადგა, მალე ვიზეიმებთ სულ სხვა მსოფლიოს“ - ნათია ფანჯიკიძე