„რუსეთის პრეზიდენტმა ოჯახის წევრები ციმბირში, მაღალ დონეზე მოწყობილ მიწისქვეშა თავშესაფარში გადამალა“ - ვალერი სოლოვეი

რუსი პოლიტოლოგი ვალერი სოლოვეის განცხადებით, რუსეთის პრეზიდენტმა ვლადიმერ პუტინმა თავისი ოჯახის წევრები ციმბირში, მაღალ დონეზე მოწყობილ მიწისქვეშა თავშესაფარში გადამალა.  

მისი მტკიცებით,  კრემლის ყველაზე „ძლევამოსილი კაცის“ ოჯახი ციმბირის „მიწისქვეშა ქალაქში“ არიან გადაყვანილები, რომელიც ისეა აგებული, რომ მას ადამიანის დაცვა ბირთვული ომისგანაც კი შეუძლია. 

სოლოვეის თქმით, მას შემდეგ რაც პუტინმა დაინახა, რომ რუს ჯარისკაცებს უკრაინელები ძლიერ წინააღმდეგობას უწევენ, გადაწყვიტა მისი ოჯახის წევრების თავშესაფარში გადაყვანა. 

რუსეთის მოსახლეობის გარკვეული ნაწილისთვის  სოლოვეი ითვლება შეთქმულების თეორეტიკოსად, მაგრამ უმეტესობა მას პატივცემულ მეცნიერად მიიჩნევს. ის იყო მოსკოვის საერთაშორისო ურთიერთობების სახელმწიფო ინსტიტუტის (MGIMO) პროფესორი. - წერს ბერძნული მედია.

მისი განცხადებით, პუტინის ოჯახი მაღალტექნოლოგიურ ბირთვულ თავშესაფარშია დამალული, რომელიც, ბრიტანული გაზეთის ცნობით, ალტაის მთებში მდებარეობს.

შაბათ-კვირას პრეზიდენტ პუტინის ოჯახი თავშესაფარში გადაიყვანეს, ამბობს რუსი პოლიტოლოგი  აღნიშნავს, რომ ეს ინფორმაცია მან  კონფიდენციალური წყაროებიდან მიიღო.

რუსი პოლიტოლოგი არ ასახელებს პუტინის ოჯახის წევრებს, რომლებიც თითქოს თავშესაფარში იმალებიან, თუმცა მანამდე მან გაავრცელა ინფორმაცია, რომ რიტმულ ტანვარჯიშში ოქროს მედალოსანი ალინა კაბაევა რუსეთის პრეზიდენტის ამჟამინდელი მეუღლეა. 

გავრცელებული ინფორმაციით, "მიწისქვეშა ქალაქი " ენერგეტიკულმა გიგანტმა გაზპრომმა დაახლოებით ათი წლის წინ ააშენა.

ასევე საინტერესოა

🔵 „მტერი ძალას იკრებს დედაქალაქს უახლოვდება, ღამით მათ თეთრ ეკლესიას ესროლეს“ - კიევის მერი

🔵ესპანეთი უკრაინას სამხედრო აღჭურვილობას უგზავნის

🔵ზელენსკის მიმართვა უკრაინელებს: ჩემო ძვირფასებო, დადგება დრო, როცა კარგად გამოვიძინებთ - მაგრამ ეს იქნება ომის შემდეგ, როდესაც გავიმარჯვებთ