"რუსეთმა დონბასში, რამდენიმე მიმართულებით მასიური შეტევა დაიწყო, ბრძოლები გრძელდება" - უკრაინის გენშტაბი

"რუსეთმა დონბასში, რამდენიმე მიმართულებით მასიური შეტევა დაიწყო, ბრძოლები გრძელდება", - ამის შესახებ ინფორმაციას, გამოცემა "უნიანი" უკრაინის შეიარაღებული ძალების გენერალურ შტაბზე დაყრდნობით ავრცელებს.

მათივე ცნობით, სლავიანსკის მიმართულებით, ტანკებით, არტილერიითა და მრავალჯერადი სარაკეტო სისტემებით დაბომბვა დაფიქსირდა ნემალენკოეს, სულიგოვკასა და მაზანოვკას მახლობლად.

უკრაინის გენშტაბში აცხადებენ, რომ კრამატორსკის მიმართულებით მოწინააღმდეგემ ქვემეხიდან და სარაკეტო არტილერიიდან ცეცხლი გაუხსნა რამდენიმე დასახლებას.

"ოკუპანტებმა თავდასხმის ოპერაციები განახორციელეს ბახმუტის, ზაიცევოესა და კოდემას დასახლებების ტერიტორიებზე, თუმცა წარუმატებლად.

ბრძოლა გრძელდება.

ავდიივკას მიმართულებით დამპყრობლებმა გამოიყენეს ტანკები, ქვემეხები და სარაკეტო არტილერია ნოვობახმუტოვკას, ნეველსკოეს, ნესკუჩნოეს, ალექსანდროპოლის, კერამიკის, კერმენჩიკისა და პესკოვის ტერიტორიებზე.

მოწინააღმდეგე წინ მიიწევს ოპიტნოესა და მაიორსკის დასახლებების ტერიტორიებზე, მაგრამ წარმატების გარეშე ბრძოლა გრძელდება“, - აცხადებენ გენშტაბში.

მათივე ცნობით, ნოვოპავლოვსკის მიმართულებით დაბომბვა დაფიქსირდა ვლადიმროვკას, უგლედარისა და პრეჩისტოვკას მახლობლად. მტერმა შტურმი განახორციელა ზოლოტაია ნივას დასახლების ტერიტორიაზე, მაგრამ წარმატებას ვერ მიაღწია და უკან დაიხია.

ასევე დაგაინტერესებთ:

📍"გვაქვს ტონობით ქლიავი "სტერნი" ვერსად ვერ ვყიდით და იქნებ იცოდეთ რამე, რომ მაცივრებში იბარებდნენ სადმე" - ფერმერი კახეთიდან დახმარებას ითხოვს