800 ანტისაზენიტო რაკეტა, 9000 ყუმბართმტყორცნი, ე.წ კამიკაძე დრონები - აშშ უკრაინას 800 მილიონი აშშ დოლარის სამხედრო დახმარებას გაუწევს

800 ანტისაზენიტო რაკეტა, 9000 ყუმბართმტყორცნი, ე.წ კამიკაძე დრონები, აშშ უკრაინას დამატებით 800 მილიონი აშშ დოლარის სამხედრო დახმარებას გაუწევს, - ამის შესახებ აშშ-ს პრეზიდენტმა ჯო ბაიდენმა განაცხადა.

სამხედრო დახმარების პაკეტი მოიცავს ტანკსაწინააღმდეგო რაკეტებს და თავდაცვით იარაღს, რომელსაც აშშ უკრაინას აქამდეც აწვდიდა, მათ შორის ტანკსაწინააღმდეგო ჯაველინებს და სტინგრებს - ანტისაზენიტო რაკეტებს. სტინგერების რაოდენობა, რომელიც უკრაინას დახმარების ახალი პაკეტით გადაეცემა, 800 ერთეულია.

ასევე, უკრაინას გადაეცემა:

9000 ერთეული ტანკსაწინააღმდეგო სისტემა, მათ შორის ჯაველინები;
7000 ერთეული სხვადასხვა ტიპის ცეცხლსასროლი იარაღი;
20 მილიონი დოლარის საბრძოლო აღჭურვილობა;
ე.წ კამიკაძე დრონები, რომელთა რაოდენობაც არ დასახელებულა. 

„პრეზიდენტ ზელენსკის თხოვნით, ჩვენ დავადგინეთ და ვეხმარებით უკრაინას დამატებითი შორი მანძილის საზენიტო სისტემებითა და შესაბამისი საბრძოლო მასალებით.

დახმარების ახალი პაკეტი ასევე მოიცავს 9000 ანტისატანკო სისტემას. ეს არის პორტატული, მაღალი სიზუსტის რაკეტები, რომლებსაც უკრაინული ძალები ეფექტიანად იყენებდნენ შეჭრილი რუსული ტანკებისა და ჯავშანტექნიკის გასანადგურებლად.

დახმარება ასევე მოიცავს 7000 ერთეულ მცირე ზომის იარაღს, ტყვიამფრქვევს, თოფს, ყუმბარმტყორცნს". - თქვა ჯო ბაიდენმა.

ასევე საინტერესოა:

🔵  ოკუპირებულ აფხაზეთში ხანძარს 45 წლამდე კაცი ემსხვერპლა

🔵 „სამყარო ვეღარასოდეს იქნება ისეთი, როგორიც ამ ომამდე იყო!“ - ზურაბ ბატიაშვილი