გერმანიაში ლუდის გაყიდვების ყველაზე მკვეთრი ვარდნა დაფიქსირდა 1993 წლიდან

გერმანიაში ლუდის გაყიდვების მოცულობა 2025 წელს წინა წელთან შედარებით 6 პროცენტით შემცირდა. ამის შესახებ ფედერალური სტატისტიკური უწყება იუწყება და აღნიშნავს, რომ ეს არის ყველაზე დიდი შემცირებაა სტატისტიკის წარმოების დაწყებიდან — 1993 წლიდან.

გასულ წელს გერმანიაში ლუდის გაყიდვების მოცულობამ ლუდსახარშებიდან და საწყობებიდან 7,8 მილიარდი ლიტრი შეადგინა — რაც 2024 წლის მაჩვენებელზე 497,1 მილიონი ლიტრით ნაკლებია. პრესრელიზის მიხედვით, 1993 წლის შემდეგ გაყიდვები არც ერთხელ არ ყოფილა 8 მილიარდ ლიტრზე დაბლა წლის განმავლობაში.

„ლუდსახარშები, ისევე როგორც ვაჭრობისა და საზოგადოებრივი კვების სფერო, მომხმარებელთა მხრიდან თანხების ეკონომიურად ხარჯვას ხედავენ“, — ასე გამოეხმაურა სტატისტიკას გერმანული ლუდსახარშების გაერთიანება.

Destatis-ის მონაცემებით, გერმანიაში ლუდის გაყიდვების კლება გრძელვადიან ტენდენციას წარმოადგენს. მაგალითად, 2015 წელს რეალიზაციის მოცულობა 18,9%-ით, ანუ 1,8 მილიარდი ლიტრით, მეტი იყო, ვიდრე 2025 წელს. ზოგადად, გაზაფხულისა და ზაფხულის თვეებში ლუდის გაყიდვები ყოველწლიურად უფრო მაღალია, ვიდრე ცივ სეზონზე.

აღნიშნულია, რომ 2025 წელს გერმანული ლუდსახარშებისა და საწყობების მიერ გაყიდული ლუდის 82,5% შიდა ბაზარზე იყო ორიენტირებული. ამ სეგმენტში გაყიდვები წლის განმავლობაში 5,8%-ით შემცირდა და 6,4 მილიარდი ლიტრი შეადგინა.