"რუსი ოლიგარქების წინააღმდეგ დაწესებული სანქციები არასოდეს მოიხსნება"

უკრაინის წინააღმდეგ აგრესიის გამო რუსი ოლიგარქების წინააღმდეგ დაწესებული სანქციები არასოდეს მოიხსნება.

ამის შესახებ დიდი ბრიტანეთის საგარეო საქმეთა მინისტრმა ლიზ ტრასმა განაცხადა - ინფორმაციას სააგენტო „უნიანი“ ავრცელებს.

„ეს ძალზე რთულია.

ამ ოლიგარქებმა მისცეს ვლადიმერ პუტინს იმის გაკეთების უფლება, რასაც ის აკეთებს.

მის ხელებზე სისხლია“ - განაცხადა დიდი ბრიტანეთის საგარეო საქმეთა მინისტრმა.

ტრასის თქმით, საფეხბურთო კლუბ „ჩელსის“ მფლობელი, რუსი ოლიგარქი რომან აბრამოვიჩი დიდ ბრიტანეთში „არასოდეს დაბრუნდება“.

„მე ამის შესაძლებლობას ვერ ვხედავ“ - ამბობს ბრიტანელი მინისტრი.

რამდენიმე დღის წინ დიდი ბრიტანეთის პრემიერ-მინისტრმა ბორის ჯონსონმა განაცხადა, რომ უკრაინა ახლა იმის ფასს იხდის, რომ დასავლეთს დიდი ხნის განმავლობაში არ ესმოდა იმ საფრთხის, რასაც რუსეთის პრეზიდენტი ვლადიმერ პუტინი წარმოადგენს.

„ბოლო 20 წლის განმავლობაში იყო ავტორიტარულ რეჟიმთან შეგუების ძალზე ბევრი მაგალითი.

ეს თითქოს ვაჭრობის და ეკონომიკური განვითარების ინტერესებიდან გამომდინარე კეთდებოდა.

ხოლო უსაფრთხოების და თავდაცვის საკითხებს სათანადო ყურადღებას არ ვაქცევდით.

თავისუფალი სამყაროსთვის დიდი მნიშვნელობა ჰქონდა ნავთობის, ელექტროენერგიის, საქონლის დაბალ ფასს და ეს ჩვენი თავისუფლების და უსაფრთხოების ხარჯზე ხდებოდა“ - განაცხადა ლიზ ტრასმა.

ცნობისთვის, რუსეთი 24 თებერვალს რამდენიმე მხრიდან უკრაინაში შეიჭრა. ქვეყანაში სამ კვირაზე მეტია სისხლისმღვრელი ბრძოლები მიმდინარეობს. დაღუპულია ათასობით ადამიანი.

სხვა სიახლეები:

🔲 "ომის დაწყებიდან, უკრაინაში დაახლოებით 14 400 რუსი სამხედრო პერსონალი დაიღუპა" - უკრაინული მხარე

🔲 "ქვეყნის ომში ჩასაბმელად, საქართველოში რუსი ჟურნალისტის მკვლელობა იგეგმება" - რა ინფორმაციას აქვეყნებს ლალი მოროშკინა