სამხრეთ აფრიკაში აღმოჩენილი კორონავირუსის ახალი შტამი სწრაფად ვრცელდება - უცხოური მედია

ჯანდაცვის მსოფლიო ორგანიზაცია, სამხრეთ აფრიკელი მეცნიერების მიერ აღმოჩენილი COVID-19-ის ახალი შტამის გამო საგანგებო სხდომას გამართავს.

მეცნიერებმა განაცხადეს, რომ ვარიანტს აქვს მუტაციების უჩვეულოდ დიდი რაოდენობა. 

"ოფიციალურმა პირებმა ასევე გამოთქვეს შეშფოთება, რომ მუტაციამ შეიძლება გამოიწვიოს იმუნური აცილება და ვირუსის გაძლიერება. 

მათი თქმით, ჯერ ადრეა იმის თქმა, თუ რა სახის გავლენა ექნება მუტაციებს ვაქცინის ეფექტურობაზე.

ასევე საჭიროა მეტი კვლევების ჩატარება, რათა გავიგოთ ვარიანტის კლინიკური სიმძიმე წინა ვარიანტებთან შედარებით", - ექსპერტებზე დაყრდნობით ციტირებს სიენენი.

"ჯერჯერობით აღმოჩენილი ახალი შტამი, სახელწოდებით B.1.1.529  აღმოჩენილია სამხრეთ აფრიკაში, ბოტსვანაში და სამხრეთ აფრიკიდან ჰონკონგში ჩასულ მოგზაურში", - ამის შესახებ ქვეყნის ჯანდაცვის მინისტრმა განაცხადა.

გამოცემის ცნობით, სამხრეთ აფრიკაში აღმოჩენილი ახალი შტამის გამო რამდენიმე ქვეყანა შეზღუდვებს აწესებენ.

ისრაელმა საკუთარ მოქალაქეებს სამხრეთ აფრიკის ქვეყნებში გამგზავრება აუკრძალა, ისრაელში ვერ შევლენ ამ რეგიონიდან ჩასული უცხოელებიც.

დღეიდან აფრიკის 6 ქვეყანასთან ავია-მიმოსვლას შეზღუდავს დიდი ბრიტანეთიც. 

ეპიდვითარების გაუარესების გამო შეზღუდვები ხელახლა ამოქმედდა პორტუგალიაში, ჩეხეთში კი ერთთვიანი საგანგებო მდგომარეობა გამოცხადდა. 

ამავე თემაზე:

🔵  გიორგი ფხაკაძე: ვერ არის საქმე კარგად, სამხრეთ აფრიკული ახალი მუტანტი აღმოაჩინეს, რომელიც შესაძლოა, დელტაზე 10-ჯერ უფრო ძლიერი იყოს

🔵 ჩეხეთში კორონავირუსის შემთხვევების მატების გამო დღეიდან საგანგებო მდგომარეობა ამოქმედდება