სტივ უიტკოფმა მოსკოვსა და კიევში ვიზიტების შემდეგ განაცხადა, რომ მხარეებმა სამმხრივი მოლაპარაკებების დაგეგმვის კუთხით მნიშვნელოვან პროგრესს მიაღწიეს

აშშ-ის პრეზიდენტის სპეციალურმა წარმომადგენელმა სტივ უიტკოფმა მოსკოვსა და კიევში ვიზიტების შემდეგ განაცხადა, რომ მიღწეულია „მნიშვნელოვანი პროგრესი“, კერძოდ, დამატებითი სამმხრივი მოლაპარაკებების განრიგზე შეთანხმების მხრივ. ამის შესახებ მან სოციალურ ქსელ X-ზე დაწერა.

დონალდ ტრამპის სპეციალურმა წარმომადგენელმა გაიხსენა, რომ ჯარედ კუშნერთან ერთად მოსკოვსა და კიევს ეწვია, რათა რუსეთ-უკრაინის ომის დასასრულებლად შემდგომი დიალოგისთვის ხელი შეეწყო.

უიტკოფის თქმით, რუსულ და უკრაინულ მხარეებთან შეხვედრების შედეგად „მნიშვნელოვანი პროგრესია მიღწეული“, განსაკუთრებით სამმხრივი მოლაპარაკებების დაგეგმვის მხრივ.

„პრეზიდენტი ტრამპი მნიშვნელოვან ძალისხმევას მიმართავს მკვლელობების შესაჩერებლად და ხანგრძლივი მშვიდობის მისაღწევად“, - წერს აშშ-ის პრეზიდენტის სპეცწარმომადგენელი.

შეგახსენებთ, რომ აშშ-ის პრეზიდენტის სპეციალური წარმომადგენლები სტივ უიტკოფი და ჯარედ კუშნერი კიევში მატარებლით 6 სექტემბერს ჩავიდნენ და სოფიას მოედანზე უკრაინის პრეზიდენტ ვოლოდიმირ ზელენსკის შეხვდნენ. დედაქალაქში ასევე ჩავიდნენ საფრანგეთის, დიდი ბრიტანეთისა და გერმანიის ლიდერების ეროვნული უსაფრთხოების მრჩევლები. მანამდე უიტკოფი და კუშნერი მოსკოვს ეწვივნენ, სადაც რუსეთის პრეზიდენტ ვლადიმერ პუტინთან მოლაპარაკებები გამართეს.

At President Trump’s direction, United States negotiators visited both Moscow and Kyiv in order to facilitate additional dialogue to end the Russia-Ukraine War. Ahead of the trip, the Russians and Ukrainians agreed to a three-day no-shoot policy to enable these discussions to… pic.twitter.com/7oj7C2Qp2p

— Special Envoy Steve Witkoff (@SEPeaceMissions) September 7, 2026