ტრამპი ირანთან სამშვიდობო გეგმას უარყოფს და ქვეყანას „ქვის ხანაში“ გადაყვანით იმუქრება - NYT

აშშ-ის პრეზიდენტმა დონალდ ტრამპმა განაცხადა, რომ აშშ-სა და ირანს შორის შუამავლების მიერ წარდგენილი ცეცხლის შეწყვეტის წინადადება „მნიშვნელოვანი ნაბიჯი“ იყო, თუმცა გააფრთხილა, რომ ის „საკმარისად კარგი არ არის“, - წერ The New York Times.

როგორც მედი წერს, ირანმა, თავის მხრივ, უარყო ცეცხლის შეწყვეტის ნებისმიერი წინადადება და მოითხოვა, რომ ნებისმიერი სამშვიდობო გეგმა მოიცავდეს საომარი მოქმედებების სრულ შეწყვეტას. თუ ირანი ჰორმუზის სრუტის ხელახლა გახსნაზე არ დათანხმდება, ტრამპი ხიდებზე, ელექტროსადგურებსა და სხვა სამოქალაქო ობიექტებზე მასშტაბური თავდასხმით იმუქრება, რაც, მისი თქმით, ირანს „ქვის ხანაში“ დააბრუნებს.

ამავდროულად, ტრამპმა ბოლო კვირების განმავლობაში არაერთხელ გადადო საკუთარი ვადები. დიპლომატები ფიქრობენ, იპოვის თუ არა აშშ-ის პრეზიდენტი გამოსავალს სიტუაციიდან, თუ ამ დროის განმავლობაში ბოლომდე მიიყვანს ამ საკითხს.

პრეზიდენტმა, ასევე, უარყო მოსაზრება, რომ აშშ-ის თავდასხმები ირანის სამოქალაქო ინფრასტრუქტურაზე შეიძლება ომის დანაშაულებად ჩაითვალოს.

ამავდროულად, ტრამპმა განაცხადა, რომ აშშ განიხილავს ირანის აღდგენაში დახმარების გაწევის საკითხს, თუ შეთანხმება მიღწეული იქნება.

ამავდროულად, ოფიციალურმა პირებმა განაცხადეს, რომ ორ მხარეს შორის პირდაპირი კონტაქტი ძალიან შეზღუდულია, პაკისტანი მთავარ შუამავლის როლს ასრულებს. ტრამპმა, თავის მხრივ, უკმაყოფილება გამოთქვა, რომ მოლაპარაკებების ერთ-ერთი მთავარი პრობლემა ირანის მხრიდან კომუნიკაციის ნაკლებობაა.