"ტრამპის ეპოქის საიმიგრაციო პოლიტიკა „დარჩი მექსიკაში“ დასრულებულია"

შეერთებული შტატების შიდა უსაფრთხოების დეპარტამენტმა განაცხადა, რომ "ტრამპის ეპოქის საიმიგრაციო პოლიტიკა „დარჩი მექსიკაში“ დასრულებულია". ინფორმაციას "ამერიკის ხმა" ავრცელებს.

ცნობილია, რომ ეს პოლიტიკა თავშესაფრის მაძიებლებს აიძულებდა, აშშ-ის საიმიგრაციო სასამართლოს საბოლოო გადაწყვეტილებას მექსიკაში დალოდებოდნენ.

"პოლიტიკას "აქვს ენდემური ხარვეზები და იწვევს გაუმართლებელ ადამიანურ მსხვერპლს" - ნათქვამია შიდაუსაფრთხოების დეპარტამენტის განცხადებაში. დეპარტამენტი განმარტავს, რომ არსებული საქმეების განხილვის შესახებ, უფრო დეტალურ ინფორმაციას საზოგადოებას მომდევნო დღეების განმავლობაში მიაწვდის" - წერს გამოცემა.

მათივე ცნობით, 2019 წლის იანვარში, შეერთებული შტატების 45-ე პრეზიდენტის მიერ ამოქმედებულმა პოლიტიკამ გავლენა დაახლოებით 70 000 მიგრანტის საქმეზე მოახდინა. 2021 წლის იანვარში, პრეზიდენტობის პირველივე დღეს, პრეზიდენტმა ბაიდენმა წინასაარჩევნო დაპირება შეასრულა და პროგრამის მოქმედება შეაჩერა. პრეზიდენტის ამ გადაწყვეტილებამ, თავშესაფრის მაძიებელთა ნაწილს საშუალება მისცა, საკუთარი საქმეების გასაგრძელებლად, შეერთებულ შტატებში დაბრუნებულიყო.

ასევე დაგაინტერესებთ:

🔵 4 შვილი ჰყავდა - 42 წლის კაცს, რომელსაც რამდენიმე დღე ეძებდნენ გარდაცვლილი იპოვეს

🔵 ქარელში მანქანა 12 წლის ბავშვს დაეჯახა - მოზარდი ადგილზე გარდაიცვალა

🔵 ვინ არის "კანონიერი ქურდი", რომელსაც რუსეთის სპეცსამსახურები თანამშრომლობას სთავაზობდნენ - კრიმინალური ავტორიტეტი ვიდეოს ავრცელებს