"20 ივნისს პოლიციისგან ძალის გამოყენება იყო ლეგიტიმური, 7-8 მარტს პროტესტი იყო მშვიდობიანი" - გიორგი გახარია

პარტია „საქართველოსთვის“ დამფუძნებელმა, ყოფილმა პრემიერმინისტრმა გიორგი გახარიამ "დოიჩე ველესთან" ინტერვიუში 2019 წლის 20 ივნისსა და 2023 წლის 7-8 მარტის საპროტესტო აქციებზე ისაუბრა.

გახარიას შეფასებით, ამ ორ პროტესტს შორის უდიდესი განსხვავებაა, რადგან მისი თქმით,  20 ივნისს დადგინდა, რომ ძალის გამოყენება იყო ლეგიტიმური, 7-8 მარტის პროტესტი კი იყო მშვიდობიანი.  20 ივნისის სისიხლიანი მოვენების მთავარი შემოქმედი გერმანულ მედიასთან პოლიციასა და მისი ყოფილი უწყების ამჟამინდელ ქმედბებსაც აკრიტიკებს

ჟურნალისტი: როცა შინაგან საქმეთა მინისტრი იყავით, თქვენმა პარტიამ მოიწვია რუსი დეპუტატი პარლამენტში სასაუბროდ მიუხედავად იმისა, რომ იცოდა საქართველოში ქართული საზოგადოების ანტი-რუსული განწყობები. ამ ვიზიტმა გამოიწვია მასობრივი პროტესტი და პოლიციამ რეაგირება მოახდინა გაცილებით უფრო ძალადობრივად, ვიდრე გასულ კვირას. ზოგიერთმა მომიტინგემ მხედველობაც დაკარგა. რით განსხვავდებოდა თქვენი მაშინდელი ქცევა ამჟამინდელი ხელისუფლებისგან, რომელსაც ახლა აკრიტიკებთ.

გახარია: უდიდესი განსხვავებაა ამ ორ პროტესტს შორის. დღეს ეს პროტესტი მშვიდობიანი იყო. 20 ივნისს მომიტინგეები თავს ესხმოდნენ პარლამენტს და ცდილობდნენ პარლამენტის შენობაში შესვლას და ეს იყო უბრალოდ დარღვევა. ისინი თავს ესხმოდნენ პოლიციას და სხვათაშორის პოლიცია ამას მოთმინებით იტანდა 3-4 საათზე მეტი. მაგრამ როცა ამ ორ მიტინგზე ვსაუბრობთ, უბრალოდ ვერ შედარდება ერთმანეთს, სრულიად სხვადასხვა ამბავია. ამიტომ არის, რომ გამოძიებამ 20 ივნისთან დაკავშირებით დაადგინა, რომ იყო ინდივიდუალური ფაქტები, მაგრამ საერთო ჯამში პოლიციის მხრიდან ძალის გამოყენება იყო ლეგიტიმური და არ იყო ამასთან დაკავშირებით კითხვები. როცა ამ ორ პროტესტს ვადარებთ მთავარია, რომ ისინი სრულიად განსხვავებულია ერთმანეთისგან. ეს არის მიზეზი, რის გამოც ვაკრიტიკებ პოლიციის და შსს-ს ამჟამინდელ ქმედებებს, როგორც ისინი მოიქცნენ ამ სიტუაციაში. 

ასევე დაგაინტერესებთ:

🔵გარდაცვლილი 12 წლის გოგონას ბაბუა - "საღ-სალამათი ბავშვი გაგუდული ვნახეთ ბუჩქებში და დასკვნა მარტივია - ვიღაცის ძალადობა" 

🔵"დავიღუპეთ... აღარ აქვს ცხოვრებას აზრი" - გარდაცვლილი ბავშვის ბაბუა  

🔵რა გელოდება დღეს? - 17 მარტის ასტროლოგიური პროგნოზი, ზოდიაქოს ყველა ნიშნისთვის