„დღესავით ნათელია, რომ პუტინის და ივანიშვილის მიზანია ჩემი ფიზიკური განადგურება“ - მიხეილ სააკაშვილი

„არანაირ საკვებს მე არ ვიღებ, მიუხედავად დაჟინებული შეთავაზებისა კონსილიუმის ზოგიერთი წევრის და ადგილობრივი ექიმების მხრიდან, ხოლო რასაც ვიღებ ყველაფერზე აქტი დგება და ხელს ვაწერ“, - ამის შესახებ მიხეილ სააკაშვილი სოციალურ ქსელში წერს.

ის ამბობს, რომ რამდენიმე ბოთლი წვენი,  ციხის სამედიცინო დეპარტამენტის რეკომენდაციით მართლაც მიიღო.

„30 ოქტომბრის შემდეგ, მართლაც, ციხის სამედიცინო დეპარტამენტის რეკომენდაციით და იმის დაზუსტებით, რომ ეს სრულად შედის შიმშილობის პროტოკოლში, მივიღე რამდენიმე ბოთლი წვენი. რასაც ვიღებ ყველაფერზე აქტი დგება და ხელს ვაწერ“ , - წერს პატიმარი სააკაშვილი.

ის წერს რომ დღეიდან უარს აცხადებს შიმშილობის პროტოკოლში შემავალი ნებისმიერი დასახელების მიღებაზე, მათ შორის, მინერალებზე, ვიტამინებსა და გლუკოზის აბებზე.

„ვერ მოგატყუებთ, ჩემი მდგომარეობა, ჩემი შეგრძნებით, მკვეთრად გაუარესდა და, ვფიქრობ, მალე მძიმე გართულება გარდაუვალია. ზოგიერთი გართულება უკვე ისედაც აშკარაა და ბოლო დღეებში ადმინისტრაციას მოუხდა უკვე, რამდენიმე გარე სპეციალისტის გამოძახება. ჩემთვის დღესავით ნათელია, რომ პუტინის და ივანიშვილის მიზანია ჩემი ფიზიკური განადგურება. ახლა მე ქართველი ხალხის იმედი მაქვს. ჩემი სამშობლოს პატრიოტების სოლიდარობის, ადამიანურობისჰუმანურობის და და მოქალაქეობრივი პოზიციის. „დიდება თავისუფლებას, თავისუფლებას დიდება!“ - წერს ქვეყნის მესამე პრეზიდენტი.

იგი ასევე, გამოეხმაურა სხვადასხვა ინფორმაციას, მის ქირურგიულ ოპერაციასთან დაკავშირებით და დააზუსტა, რომ  ბოლო ქირურგიული ჩარევა მის კუჭში  მოხდა 5 წლის წინ და ამას არ გამოუწვევია კვების შეფერხება.

ამავე თემაზე:

🔵მიხეილ სარჯველაძე საქართველოს იუსტიციის მინისტრს, პატიმარ მიხეილ სააკაშვილთან დაკავშირებით კითხვებით მიმართავს

🔵 რატი ბრეგაძე: მიხეილ სააკაშვილი სხვადასხვა სახის ფაფებს და ნატურალურ წვენებს იღებს, ამის მყარი მტკიცებულებები გაგვაჩნია