ძალიან საშიშ სახეს იღებს ინტერნეტძალადობა, უფრო კონკრეტულად, სოციალური ქსელებით ძალადობა, სოცძალადობა - რას წერს გოგა ჩანადირი?!

ძალიან საშიშ სახეს იღებს ინტერნეტძალადობა, უფრო კონკრეტულად, სოციალური ქსელებით ძალადობა, სოცძალადობა, - ამის შესახებ ფოტოგრაფი გოგა ჩანადირი სოციალურ ქსელში წერს.

“ძალიან საშიშ სახეს იღებს ინტერნეტძალადობა, უფრო კონკრეტულად, სოციალური ქსელებით ძალადობა, სოცძალადობა.

მოძალადეების მთავარი მოტივი განსხვავებული, უფრო სწორად, მათთვის მიუღებელი აზრია.

ამ დროს მოძალადეთა დიდი ნაწილი დემოკრატიაზე, სიტყვის თავისუფლებაზე, ლიბერალიზმზე, შემწყნარებლობაზე, თანასწორობაზე, ქართველობაზე, ქრისტეზე, ევროპაზე ლაპარაკობს.

სოცძალადობის გავრცელებული ფორმაა ვინმეს ამოჩემება და მისი ლანძღვა, ზოგჯერ უშვერადაც სტატუსშიც, კომენტარებშიც.

ვინმე რომელიმე პირზე მისაქსევ ტექსტს წერს და მერე ყველა მასზე ორკესტრირებულ შედგომას იწყებს.

სოცქსელებს წიხლები არ აქვს, თორემ მასაც გამოიყენებდნენ.

ეს ზღვარგადასულობა და ამაზრზენი საქციელია.

ეს არც ღირსებას სძენს დამმუნათებელს, არც სწორი მოქცევაა.

პირიქით, ამით ხალისდება ძალადობა და ნორმად მკვიდრდება.

რას ეუბნებით თქვენს შვილებს ან მშობლებს ამ ლანძღვა-გინებით, ამაზე მაინც დაფიქრებულხართ?

რა შეიძლება დაემართოს სოცძალადობის მსხვერპლს, ან ამაზე თუ გიფიქრიათ?”,-  წერს გოგა ჩანადირი.

ასევე დაგაინტერესებთ:

🔵 „მაპატიე დე, რომ ვერ დაგიცავი ამ სატანის მოციქულებისგან“ - საეჭვო ვითარებაში გარდაცვლილი პროგრამისტის დედა ემოციურ წერილს აქვეყნებს

🔵 „მიკვირს, როდესაც საპარლამენტო რესპუბლიკაში რიგგარეშე სესიის მოწვევა რაღაც დესტრუქციულ ნაბიჯად ითვლება“ - პრეზიდენტის საპარლამენტო მდივანი

🔵 20 წლის მარიამ ბაიდაური Case Western Reserve University-ში ქიმიურ ინჟინერიას შეისწავლის