"ეს იმიტომ ხდება ძვირფასო ელჩო, რომ მთლიანად ატლანტიკური დასავლეთი საქართველოში 30 წელია ეყრდნობიან და მხარს უჭერენ მმართველ პერსონებს იგივე შევარდნაძე–სააკაშვილ—ივანიშვილს და მათგან დანიშნულ ვაი–ოპოზიციებს"

ლეიბორისტული პარტიის ლიდერი, შალვა ნათელაშვილი, საქართველოში ამერიკის შეერთებული შტატების ყოფილი ელჩის, უილიამ კორტნის ინტერვიუს ეხმაურება და წერს:

"ეს იმიტომ ხდებოდა და ხდება ძვირფასო ელჩო, რომ მთლიანად ატლანტიკური დასავლეთი საქართველოში 30 წელია ეყრდნობიან და მხარს უჭერენ მმართველ პერსონებს იგივე შევარდნაძე–სააკაშვილ—ივანიშვილს და მათგან დანიშნულ ვაი–ოპოზიციებს, ხოლო როდესაც ისინი ანადგურებდნენ, სპობდნენ და აცამტვერებდნენ პოლიტიკურ პარტიებს, მათ შორის ყველაზე კლასიკურს ამ ქვეყნის უახლეს ისტორიაში, ლეიბორისტულს, თქვენ ან ხმას არ იღებდით ან უარესი ეხმარებოდით ამ საქმიანობაში.

თქვენგან დაგრანტებული არასამთავრობოები, თქვენი დიპლომატები იყვნენ და რჩებიან ყველა რეჟიმის ლობისტებად და მათ მიერ გაყალბებული არჩევნების გამთეთრებლებად.

ყველაფერ ამაზე უახლოეს ხანში გამოქვეყნდება ჩემი ანალიზი დეტალურად", - აცხადებს ნათელაშვილი.

საქართველოში ამერიკის შეერთებული შტატების ყოფილმა ელჩმა, უილიამ კორტნიმ ამერიკის ხმასთან ინტერვიუში განაცხადა:

"დამოუკიდებლობის 30 წლის განმავლობაში საქართველოს ერთმანეთის მიყოლებით ჰყავდა გამსახურდია, შევარდნაძე, სააკაშვილი, ივანიშვილი, რომლებმაც გადაჭარბებული როლი შეასრულეს.

უკრაინას ჰყავდა ეკონომიკური ოლიგარქები, რომლებსაც ჰქონდათ გარკვეული პოლიტიკური გავლენა, მაგრამ არცერთ ოლიგარქს არსად არ უთამაშია ისეთი როლი, როგორსაც მაგალითად ივანიშვილი ასრულებს.

ასე რომ, დეოლიგარქიზაცია ნამდვილად გულისხმობს საქართველოში გარკვეული პიროვნებების დიდი პოლიტიკური როლის შემცირებას და პოლიტიკის ჩამოყალიბებას, რომელიც ინტერესებზეა დაფუძნებული და არა ინდივიდებზე, პიროვნებებზე.

მაგალითად, ნორმალურ დემოკრატიებს აქვთ კონსერვატიული, ლიბერალური პარტიები.

საქართველოში კი პოლიტიკური პარტიები პიროვნებებზე, ინდივიდებზე დგას.

ინსტიტუციურად ეს ნაკლებად ჯანსაღი პროცესია, ვიდრე ინტერესებზე დაფუძნებული პოლიტიკა".

ასევე დაგაინტერესებთ:

* რა ეღირება ხვალ დოლარი, ევრო, გირვანქა სტერლინგი? - ვალუტის კურსი

* სააკაშვილი: სიღნაღს, ბათუმს, იმიტომ კი არ ვაშენებდით, ამ ქალაქებს, რომ რუსებს ეყიდათ ბინები და ქართველები მარწყვის საკრეფად წასულიყვნენ გერმანიაში