ირაკლი კირცხალია - დღესაც ამ არეულობაში ჩართვის თავიდან არიდების რეჟიმშია ჩვენი ხელისუფლება საზოგადოების დახმარებით

„ტრენინგები არახალია ჩვენი საზოგადოებისთვის. ახლა ბლაჟევიჩია, მანამდე NDI-ის უფროსობა იყო და მენეჯმენტი. მანამდე ყველას კარგად გვახსოვს კანვასის ასე ვთქვათ ტრენინგები. ყველამ ვნახეთ და ვიხილეთ ეს ჩანაწერები და როგორ უტიფრად დატოვეს ტრენერებმა ჩვენი ქვეყანა დიპლომატიური მანდატების მფარველობის ქვეშ ესეც ყველას კარგად გვახსოვს. გვახსოვს ბაკურიანის ცნობილი შეკრებები, აკერმანისეული შეკრებები და სწავლებები“, - ამის შესახებ საპარლამენტო უმრავლესობის ლიდერმა ირაკლი კირცხალიამ განაცხადა.

„როდესაც ვსაუბრობთ აგენტურაზე, აგენტურა არის მათი, როგორ გითხრათ, ყველაზე ობიექტური შეფასება. ამას დიდი ახსნა-განმარტება არ სჭირდება ფაქტი სახეზეა, ისინი არ მალავენ. უტიფრად აღარ მალავენ არა მხოლოდ ისინი, არამედ ამ გეგმის აღმასრულებლები და შემსრულებლები, გეგმის დამწერებიც.

შეგახსენებთ იმ გეგმას, რომელიც გამოაგზავნეს აქ სულ რაღაც წელიწად-ნახევრის წინ, სადაც საუბარი იყო ბლოკირებაზე ქუჩების, სადაც საუბარი იყო ბოიკოტზე რომ თურმე დასუფთავების სამსახური უნდა გასულიყო ბოიკოტში, აფთიაქები უნდა გასულიყვნენ ბოიკოტში, ექიმები უნდა გასულიყვნენ ბოიკოტში და სრული პარალიზება და ეკონომიკური კოლაფსი უნდა მომხდარიყო ჩვენ ქვეყანაში.

გვახსოვს ის სწავლებები თუ როგორ უნდა მიეყენებინათ მძიმე ტექნიკა პარლამენტის შენობასთან და ასე შემდეგ და ნახეთ ამის შედეგები, ამის რომანტიზებები, მცდელობა პარლამენტის შენობის დაწვის, დამწვარი პოლიციელები დამტვრეული განადგურებული ინფრასტრუქტურა და ვნახეთ მერამდენეჯერ.

მეხუთეჯერ ბოლო წლების განმავლობაში და განსაკუთრებით როდის 2022 წლის შემდეგ და ეს არის ის თარიღი, საიდანაც იწყება ამ უბინძურესი შემოტევის, აი, ამ უბინძურესი სცენარების განვითარების ღია თავხედურად მოქმედების, აი, ამ სცენარის მიხედვით, როდესაც უკრაინა-რუსეთის სისხლისმღვრელი ომი, რომელიც დღესაც მიმდინარეობს და როდესაც დაიწყო ის პირდაპირი და ღია ზეწოლა ჩვენი ქვეყნის ომში ჩათრევისა, რაც ღირსეულად ავირიდეთ და დღესაც აი, ამ არეულობაში ჩართვის თავიდან არიდების რეჟიმშია ჩვენი ხელისუფლება ჩვენი საზოგადოების დახმარებით“, - განაცხადა კირცხალიამ.