მარიამ ლაშხი BBC-ის ფილმზე: მავნებლები, რომლებიც ქვეყნის წინააღმდეგ არიან ჩართულები კამპანიაში, ვხედავთ, რომ ერთი მხრივ უკან იხევენ და მეორე მხრივ იმ აბსურდზე საუბრობენ, რაც არის თუთიყუშები და სხვა

„მავნებლები, რომლებიც ქვეყნის წინააღმდეგ არიან ჩართულები კამპანიაში და მავნებლურ ქმედებებს ახორციელებენ უკვე საერთაშორისო მასშტაბითაც, ვხედავთ, რომ ერთი მხრივ უკან იხევენ და მეორე მხრივ იმ აბსურდზე საუბრობენ, რაც არის თუთიყუშები და სხვა“, - განაცხადა BBC-ის ფილმზე საუბრისას განათლების, მეცნიერებისა და ახალგაზრდულ საქმეთა კომიტეტის თავმჯდომარემ მარიამ ლაშხმა.

დეპუტატის თქმით, თავად BBC-ს უკვე რეპუტაცია აქვს შერყეული და ის თეთრი სახლის სიაში არასანდო მედიად არ წარმოდგენილი.

„წარმოუდგენელ მდგომარეობაში არიან და კიდევ უფრო მეტად წარმოუდგენელ მდგომარეობაში იყენებენ თავს.

კიდევ ერთი დიდი უბედურებაა BBC, რომელიც აქამდე სარგებლობდა რეპუტაციით. როდესაც არგუმენტზე, გამოკვლევებზე დაფუძნების გარეშე უშვებს ასეთ მავნე და დაგეგმილ შეტევას ქვეყნის წინააღმდეგ, ამაზე პასუხი აუცილებლად უნდა აგოს, საერთაშორისო სასამართლოშიც მათ შორის. ვნახეთ, რომ მისი რეპუტაცია შერყეულია, თეთრი სახლის სიაში არასანდო მედიად არის წარმოდგენილი. ვხედავთ, რომ ამით ჭკუა ვერ ისწავლეს და გააგრძელეს და ეს ქმედებები გააგრძელეს”, - განაცხადა მარიამ ლაშხმა.

ცნობისთვის, BBC-იმ გამოაქვეყნა სტატია, რომელშიც საუბარია იმაზე, რომ „ქართული ოცნების“ ხელისუფლებამ აქციაზე პირველი მსოფლიო ომის დროინდელი ქიმიური იარაღი გამოიყენა.