ლევან რატიანი ჩახუნაშვილების კვლევაზე: პირველი შემთხვევაა, როდესაც ვნახე, რომ სამეცნიერო სტატია იწყება პოლიტიკური მიმოხილვით. ეს მედიცინაში ნონსენსია და საუბარი ზედმეტია, რომ ეს რაიმე მეცნიერებაზეა დაფუძნებული

„პირველი შემთხვევაა ჩემს ცხოვრებაში, როდესაც ვნახე, რომ სამეცნიერო სტატია იწყება პოლიტიკური მიმოხილვით. რა თქმა უნდა, ეს მედიცინაში ნონსენსია და აღნიშნულიდან გამომდინარე, საუბარი ზედმეტია, რომ ეს რაიმე მეცნიერებაზეა დაფუძნებული“, - განაცხადა პირველი საუნივერსიტეტო კლინიკის გენერალურმა დირექტორმა ლევან რატიანმა ჩახუნაშვილების ოჯახის კვლევის შესახებ, რომელიც BBC-ის ფილმშია გამოყენებული.

მისი შეფასებით, ჩახუნაშვილების მასალაში სამედიცინო საქმიანობის ორივე პრინციპი დარღვეულია.

„რამდენი წელია, მედიცინაში ვარ, არაერთი სტატია წამიკითხავს და არაერთი სტატიის ავტორი ვარ. პირველი შემთხვევაა ჩემს ცხოვრებაში, როდესაც ვნახე, რომ სამეცნიერო სტატია იწყება პოლიტიკური მიმოხილვით. რა თქმა უნდა, ეს მედიცინაში ნონსენსია და აღნიშნულიდან გამომდინარე, საუბარი ზედმეტია, რომ ეს რაიმე მეცნიერებაზეა დაფუძნებული. სამედიცინო საზოგადოება ორ კანონს ემორჩილება - პირველი არის მორალი და მეორე - რეგულირება. ამ მიმოხილვით - რაც გინდათ, ის დაარქვით, მე ვერ დავარქმევ ამას ვერც შრომას, ვერც აღწერას და ასე შემდეგ, საექიმო საქმიანობის ორივე პრინციპი დარღვეულია. ჩვენს სახელმწიფოში როცა ეს ხდება, ალბათ, ყველა ექიმმა ხმა უნდა ამოიღოს ამის შესახებ”, - განაცხადა ლევან რატიანმა.

სახელმწიფო უნივერსიტეტის ანესთეზიოლოგიის, რეანიმატოლოგიის და ტოქსიკოლოგიის კლინიკური ფარმაკოლოგიური დეპარტამენტების აკადემიური პერსონალი, ჩახუნაშვილების ოჯახის მიერ მომზად