ნინო წილოსანი: ქუჩაში დარჩენილი ადამიანები არიან ისინი, ვისაც წლების მანძილზე უხდიდნენ ხელფასს, მათ შორის ახლაც

ქუჩაში დარჩენილი ადამიანები არიან ისინი, ვისაც წლების მანძილზე უხდიდნენ ხელფასს, მათ შორის ახლაც და თქვენი ტელევიზიის საშუალებით ვრცელდება არაერთი სქემა, რომლითაც დაფინანსება მაინც, როგორღაც აღწევს მათ ჯიბეებამდე, - განაცხადა გადაცემაში „იმედი LIVE“ საქართველოს პარლამენტის თავმჯდომარის მოადგილემ ნინო წილოსანმა ოპოზიციაზე საუბრისას.

მისივე თქმით, ეს ადამიანები ფინანსდებოდნენ იმისთვის, რომ საკუთარი ქვეყნის წინააღმდეგ გამოსულიყვნენ რუსთაველზე და მოეწყოთ ის სცენები, რომელიც კარგად გაიყიდებოდა გარეთ.

„2024 წელს 900 000 მდე ამომრჩეველმა მისცა ოპოზიციას ხმა. ამის ფონზე რუსთაველზე მდგომი 100 ადამიანი უმცირეს პროცენტს წარმოადგენს მათივე ამომრჩევლის და ძალიან კარგად გვაჩვენებს, რომ მათი ეს სტრატეგია არის სრულიად წამგებიანი და საკუთარ ამომრჩეველსაც ვეღარ არწმუნებენ, რომ ისინი რაიმეს შეძლებენ.

მათი დადგენილი წამგებიანი სტრატეგია არ შემოსულიყვნენ პარლამენტში, ბოიკოტი გამოეცხადებინათ და ემტკიცებინათ სიგიჟე, როდესაც არანაირი არგუმენტი არ ამტკიცებს, ვგულისხმობ არჩევნების გაყალბებას და სრულად ყოფილიყვნენ დამოკიდებული იმ უცხოელ პატრონებზე, რომელთა განცხადებებიც იმდენად აცდენილია ქართულ რეალობას, რომ როდესაც აქ მცხოვრები ადამიანი უყურებს სრულებით სხვა რეალობას და გარედან გვიმტკიცებს ვიღაც, რომ თქვენს თავს სხვა რაღაცა ხდება, ბრაზი და უსამართლობის გრძნობა უჩნდება, რაც კიდევ უფრო ამძაფრებს ქართველი ხალხის ინტერესს, რომ დაიცვას ეს ქვეყანა.

ზუსტად ასეთი არჩევნები იყო თვითმმართველობის არჩევნები, სწორედ ამ დღესაც იყო რეფერენდუმი, რომ ერთი წლის თავზე კიდევ იგივე განაცხადი გააკეთა ქართველმა ხალხმა“, - აღნიშნა ნინო წილოსანმა.