პროკურორი: შშმ მოზარდის ცემის ფაქტზე დაკავებული პატრულ-ინსპექტორები ბრალს არ აღიარებენ

შეზღუდული შესაძლებლობების მქონე მოზარდის ცემის საქმეზე დაკავებული პატრულ-ინსპექტორები ბრალს არ აღიარებენ. პროკურორ ირაკლი ლეხოშვილის თქმით, ორივე ბრალდებული დუმილის უფლებას იყენებს.

შსს-ს თანამშრომელს, ნუგზარ ბაქრაძეს ბრალად ედება არაადამიანური მოპყრობა, ჩადენილი სამსახურებრივი მდგომარეობის გამოყენებით, დამნაშავისათვის წინასწარი შეცნობით არასრულწლოვანის, სხვაგვარად თავისუფლებაშეზღუდული და უმწეო მდგომარეობაში მყოფი პირის მიმართ. დანაშაული გათვალისწინებული საქართველოს სისხლის სამართლის კოდექსის 144 ტერცია მუხლის მეორე ნაწილით, რაც სასჯელის სახედ და ზომად 5-დან 10 წლამდე ვადით თავისუფლების აღკვეთას ითვალისწინებს.

კახა ბაკაშვილს კი ბრალად ედება სამსახურებრივი უფლებამოსილების ბოროტად გამოყენება, დანაშაული გათვალისწინებული საქართველოს სისხლის სამართლის კოდექსის 332-ე მუხლის პირველი ნაწილით.

როგორც პროკურატურაში აცხადებენ,  სასამართლოს ორივე ბრალდებულისთვის პატიმრობის შეფარდების შუამდგომლობით მიმართავენ.

24 იანვარს სოციალური ქსელით ვიდეო გავრცელდა, სადაც ჩანს, რომ  მეტროსადგურის პოლიციის ოთახში, პატრულ-ინსპექტორი შშმ მოზარდს სცემს, მეორე ინსპექტორი კი უყურებს და მეწყვილის ძალადობის აღსაკვეთად არაფერს აკეთებს.

მოზარდს უკვე მიანიჭეს დაზარალებულის სტატუსი.

სხვა სიახლეები:

🔳  ექსკლუზივი: სალომე ტეტუნაშვილი ცოცხალია - ხუთ დღიანი ძებნის შემდეგ დაკარგული ემიგრანტი იპოვეს

🔳 „ცოფიანი ქოფაკები გამოზარდა ოლიგარქმა. ემანდ ფრთხილად იყოს, ის ხელი არ მოაჭამონ, რომლითაც ამათ აჭმევს“ - მიხეილ სააკაშვილი

🔳 "კათეტერი, რომ ჩავუდგით დავუმაგრეთ “ლეიკოთი”, დაუსველდა იმის შედეგიაო. ექიმი ცდილობდა პასუხისმგებლობის აცილებას და მშობლისთვის გადაბრალებას, დედამ ვერ მიხედაო" - რა მოხდა გორის ერთ-ერთ კლინიკაში