RSF ნიკა გვარამიას დაკავებას ეხმაურება და ითხოვს განაჩენის გადახედვას, რომელიც მათი განცხადებით, მიზნად ისახავს კრიტიკული ჟურნალისტების დაშინებას

საერთაშორისო ორგანიზაცია „რეპორტიორები საზღვრებს გარეშე“(RSF) " "მთავარი არხის" გენერალური დირექტორის, ნიკა გვარამიას დაპატიმრებას ეხმაურება.

RSF-ის განცხადების თანახმად, ეს არის საქართველოში ოპოზიციური მედიასაშუალების ხელმძღვანელის დაპატიმრების პირველი შემთხვევა.

ორგანიზაციის წარმომადგენლები ითხოვენ განაჩენის გადახედავს, რომელიც, მათივე შეფასებით, მიზნად ისახავს კრიტიკული ჟურნალისტების დაშინებას.

"ოპოზიციური მედიის, "მთავარი არხის" დირექტორს, ნიკა გვარამიას 3,5 წელი მიესაჯა "უფლებამოსილების ბოროტად გამოყენებისა" და "რუსთავი 2"-ის ფინანსური ინტერესების დაზიანებისთვის, რომელსაც მანამდე ხელმძღვანელობდა.

RSF ითხოვს განაჩენის გადახედვას, რომელიც მიზნად ისახავს კრიტიკული ჟურნალისტების დაშინებას",  - ნათქვამია განცხადებაში.

16 მაისს, თბილისის საქალაქო სასამართლოს მოსამართლემ, ლაშა ჩხიკვაძემ ნიკა გვარამია დამნაშავედ ცნო უფლებამოსილების ბოროტად გამოყენებაში და 3 წლით და 6 თვით პატიმრობა მიუსაჯა.

საქმე ეხება პერიოდს, როცა გვარამია ტელეკომპანია "რუსთავი 2"-ის დირექტორი იყო.

პირველი ინსტანციის სასამართლოს განაჩენის გასაჩივრებას სააპელაციო სასამართლოში გეგმავს როგორც დაცვის, ისე ბრალდების მხარე.

ასევე დაგაინტერესებთ:

📍„ყველა თემაზე სადაც მინდოდა მეგრძნო რომ დამატებითი ძალა მაქვს, (მყავს) იწყებოდა ნიკა, ნიკა, ნიკა“ - ნანუკა ჟორჟოლიანი

📍საბერძნეთმა ეროვნულ საჰაერო სივრცეში რუსული თვითმფრინავების ფრენის აკრძალვა გაახანგრძლივა